Wikipedia:Tutumbu luar

Ti Wikipédia, énsiklopédia bébas
Loncat ke navigasi Loncat ke pencarian

Artikel Wikipedia bisa ngawuwuhkeun tutumbu (pranala) kana kaca wéb di luar Wikipedia. Kaca-kaca nu kasebut téh bisa ngamuat risét leuwih jero nu akurat jeung luyu jeung topik;informasi anu teu dimuat dina artikel lantaran alesan saperti hak cipta atawa réana detil (saperti statistik atlét profésional, transkrip wawancara, atawa buku téks nyambung); atawa bahan-bahan séjén anu boga ajén jeung rélevan anu teu luyu pikeun diasupkeun dina hiji hartikel (saperti hasil pangajén atawa wawancara).

Sababaraha tutumbu luar (basa Inggris: external link) diijinkeun pikeun diwuwuhkeun, tapi lain tujuan Wikipedia pikeun ngumpulkeun hiji daptar tutumbu luar kalawan gemet anu patali jeung unggal topik. Ngawuwuhkeun hiji kaca luar kana artikel Wikipedia kudu bisa dijustifikasi (ditangtukeun). Omat perhatikeun lantaran Wikipedia ngagunakeun tag nofollow, pangwuwuhan hiji pranala luat moal ngarobah peringkat mesin panyalusur.

Lamun hiji situs atawa kaca anu rék ditumbukeun ku Anjeun ibanda informasi anu can dijadikeun bagian tina artikel, timbang-timbang pikeun ngaugunakeun éta minangka sumber saheulaanan. Baca pituduh kutipan pikeun nuduhkeun kumaha cara ngutip sumber. Ieu pituduh ngabahas pamakéan tutumbu luar salian pikeun sumber kutipan.

Hal pentng nu kudu dipikaharti[édit sumber]

  1. Jumlah tutumbu sabisa-bisa kudu dijieun saeutik. Lamun artikel kakurangan atawa ngan ukur miboga saeutik tutumbu luar, ieu lain alesan pikeun nambahan tutumbu luar anyar.
  2. Ulah méré tutumbu luar dina bagian eusi artikel. Salawasna tempatkeun pranala dina bagian "Tutumbu luar"" di tungtung artikel atawa maké kode <ref>[tutumbu référénsi]</ref>.
    • Lamun Anjeun hayang nambahan hiji gambar, ulah nempatkeun tutumbuna dina artikel, tapi muatkeun gambarna kana kaca pamuatan.
  3. Singkahan nyieun leuwih ti hiji tutumbu luar kana situs anu sarua. Téang kaca anu pangmerenahna/pangluyuna pikeun dijugjug.

Tutumbu nu dilarang[édit sumber]

Ku lantaran alesan kawijakan jeung téknis, panyunting teu meunang nyieun tutumbu nu kieu:

  1. Situs nu ngalanggar hak cipta. Nyieun tutumbu kana kaca anu eusina mibanda hak cipta diijinan, tapi lamun Anjeun nyaho yén hiji situs némbongkeun karya anu ngarumpak hak cipta, Anjeun teu meunang nyieun tutumbu kana éta kaca.
  2. Situs anu kadaptar dina blacklist spam. Tutumbu ieu teu bisa disimpen.

Tutumbu nu kudu disingkahan[édit sumber]

Aya iwalna pikeun situs anu mangrupa situs resmi subyék artikel, tutumbu anu kudu disingkahan téh nyaéta:

  1. Situs nu teu méré informasi leuwih tina anu geus aya dina artikel lamun artikelna geus jadi Artikel Pilihan.
  2. Situs naon baé anu nyasabkeun pamaca jeung nyadiakeun informasi anu teu akurat atawa teu bisa dipastikeun.
  3. Tutumbu anu tujuanna pikeun promosi (iklan) hiji situs wéb.
  4. Situs anu fungsi utamana minangka situs nu ngajual produk atawa jasa.
  5. Situs anu mibanda réa iklan.
  6. Situs anu perlu mayar atawa régistrasi pikeun ningali eusina.
  7. Situs anu bisa diaksés ngan saukur ku sawaréh pamaca, misalna situs anu ngan bisa dibuka ku browser wéb nu tangtu.
  8. Tutumbu langsung kana dokumen anu ngabutuhkeun aplikasi éksternal saperti Flash atawa Java.
  9. Tutumbu kana search engine jeung hasil nyalusur search engine.
  10. Tutumbu kana situs jejaring sosial (saperti Frienster, Facebook, Twitter), forum internét, atawa Usenet.
  11. tutumbu kana blog atawa situs wéb pribadi, iwal lamun éta situs ditulis ku pihak anu boga wewenang.
  12. tutumbu Wiki nemrak, iwal lamun éta wiki mibanda sajarah anu stabil, kalawan jumlah panyunting anu réa.
  13. Situs anu ngan patali sacara teu langsung jeung subyek artikel; tujuan tutumbu kudu nyambung langsung jeung artikel.

Cara nyieun tutumbu[édit sumber]

Tutumbu tanpa text (kode jeung conto output):

[http://example.com/]

[1]

Tutumbu maké text:

[http://example.com/ Situs example.com nu diatur RFC]

Situs example.com nu diatur RFC

Cara anu leuwih merenah maké text:

[http://example.com/ Situs example.com] nu diatur [[RFC]]

Situs example.com nu diatur RFC