Wiradadaha

Ti Wikipédia Sunda, énsiklopédi bébas
Loncat ke navigasi Loncat ke pencarian

Tumenggung Wiradadaha ngaran anu digunakeun ku bupati-bupati Sukapura (ayeuna Tasikmalaya) turunan Ngabéhi Wirawangsa. Manéhna bupati nu munggaran di Kabupaten Sukapura anu gelarna Tumenggung Wiraadegdaha (Wiradadaha I) anu maréntah taun 1633-1673. Manéhna diangkat jadi bupati Sukapura ku Sultan Agung (1613-1645) ti Mataram lantaran jasana ngiring numpeskeun barontakna Dipati Ukur jeung Mataram (1629-1632), babarengan jeung Ngabéhi Astramanggala (Tumenggung Wiraangunangun) jeung Ngabéhi Somahita (Tumenggung Tanubaya). Bupati Sukapura séjénna anu ngagunakeun ngaran Wiradadaha nyaéta R. Jayamanggala atawa Wiradadaha II (1673-1674) nyaéta putra Wiradadaha I nu dipikawanoh ogé ku ngaran Dalem Tambela, salajengna R. Anggadipa atawa Wiradadaha III (1674-1723) nyaéta putra Wiradadaha II, salajengna R. Subamanggala atawa Wiradadaha IV (1723-1745) nyaéta putra kadua Wiradadaha III, salajengna R. Jaya Anggadireja atawa Wiradadaha V (1747-1765) nyaéta putra R. Sacapati bupati Sukapura kalima (1745-1747) atawa buyut Wiradadaha III, salajengna R. Demang Anggadipa atawa Wiradadaha VI (1807-1813 jeung 1814-1828)[1].

Daftar Rujukan[édit | édit sumber]

  1. Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Cet. 1 ed.). [Jakarta]: Pustaka Jaya. ISBN 979-419-259-7. OCLC 45463431.