Gombong, Ciawi, Tasikmalaya
Désa Gombong | |
|---|---|
Kalurahan/Désa | |
 Peta lokasi Kalurahan Gombong | |
| Nagara |  Indonésia |
| Propinsi | Jawa Barat |
| Kabupatén | Tasikmalaya |
| Kacamatan | Ciawi |
Gombong nyaéta salah sahiji désa di kacamatan Ciawi, Kabupatén Tasikmalaya, Propinsi Jawa Barat, Indonésia.
Sajarah
[édit | édit sumber]Désa Gombong aya dina wewengkon Gunung Talaga Bodas palih wetan. Ngadegna Désa Gombong teu acan tiasa ditangtoskeun iraha-irahana, mung upami ningal di Kampung Pocol aya kakantunan Kabuyutan (Situs) anu mangrupikeun Menhir dina aréal Punden Berundak, aya kamungkinan Désa Gombong mangrupikeun padumukan anu heubeul. Ngarujuk kana carita sajarah yén Gunung Talaga Bodas téh kapungkurna mangrupikeun Leuweung Tutupan (kabuyutan), tiasa janten Désa Gombong ngadeg sareng ditetepkeunana aréal Gunung Talaga Bodas janten Leuweung Tutupan. Kacarioskeun jaman kapamingpinan Kuwu Ion Tanuwidjaja sareng raina Yusuf Tanuwidjaja, Désa Gombong kungsi janten basis pertahanan rakyat ngalawan gerombolan DII/TII. Sababaraha kali Gombong diserang ku gerombolan DII/TII mung tiasa ditahan ku masarakat, dugi kanggo kaberhasilan Kuwu Ion Tanuwidjaja, présidén Soekarno masihan penghargaan Bintang Emas, ti harita Kuwu Ion Tanuwidjaja katelah ku sebatan Kuwu Bintang.
 |
Artikel ngeunaan kalurahan jeung désa di Indonésia ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |