Good Charlotte

Ti Wikipédia, énsiklopédia bébas basa Sunda
Luncat ka: pituduh, sungsi
Ti kénca ka katuhu: Paul Thomas, Joel Madden, Benji Madden, Dean Butterworth dan Billy Martin

Good Charlotte nya éta grup musik rock asal Waldorf, Maryland, Amerika anu dibentuk tanggal 1 April 1996 ku Joel jeung Benji Madden[1][2]. Madden sadulur-sadulur kainspirasi ku Beastie Boys anu harita keur ngayakeun tur dina taun (1995)[2]. Ngaran Good Charlotte sorangan dicokot tina salah sahiji judul buku bacaan budak GOOD CHARLOTTE: THE GIRLS OF GOOD DAY ORPHANAGE anu ditulis ku Carol Beach York[1]. Aliran musik ieu grup musik loba kapangaruhan ku Blink-182, Sum 41, NOFX, Social Distortion jeung Green Day[1]. Personil Good Charlotte ayeuna diantarana: Dean Butterworth, Joel Madden, Benji Madden, Billy Martin jeung Paul Thomas[1][2].

Diskografi Album[édit | sunting sumber]

Album pertama Good Charlotte dirilis taun 2000 anu jadi awal karirna[1]. Ieu album miboga tilu single, diantarana Little Things, Motivation Proclamation jeung Festival Song[1][2]. Aaron Escolopia nya éta drummer Good Charlotte nalika ieu album dirilis[1]. Escolopio kaluar saacan album kaduana THE YOUNG AND HOPELESS (2002) dirilis sabab Escolopio ngilu jeung grup musik adina, Wakefield, terus posisina digantikeun ku Josh Freese (anu engké diganti deui sacara permanén ku Chris Wilson)[2]. Album kadua ieu kajual nepi ka 4,9 juta kopi[1]. Ngaliwatan ieu album, Good Charlotte aya dina puncak popularitasna[1]. Single anu judulna Lifestyles of the Rich and Famous jadi jawara tangga lagu boh genre rock jeung pop di Sakuliah dunya. Ieu album ogé dilélér triple platinum[1]. Album THE CHRONICLES OF LIFE AND DEATH dirilis taun 2004, diteruskeun ku album GOOD MORNING REVIVAL anu dirilis taun 2007[1][2]. Anu pamungkas, Good Charlotte ngarilis album CARDIOLOGY taun 2010 kamari[1][2].

Référénsi[édit | sunting sumber]

  1. a b c d e f g h i j k l [Good Charlotte-Kapanlagi.com] (diaksés tanggal 4 Nopémber 2011)
  2. a b c d e f g (en)[Biografi Good Charlotte] (diaksés tanggal 4 Nopémber 2011)
Nulis.jpg