John Dalton

Ti Wikipédia, énsiklopédia bébas basa Sunda
Luncat ka: pituduh, sungsi
John Dalton

John Dalton nyaéta anu naratas téori atom.[1] Anjeunna kawentar alatan tiorina anu ngabangkitkeun deui istilah “atom”. Dina buku karanganana anu judulna New System of Chemical Philosophy anjeunna hasi ngarumuskeun hal ngeunaan atom kira-kira taun 1803. John Dalton hirup dina mangsa 1766-1844.[1]

Anjeunna nyebatkeun yén matéri téh kawangun ku atom anu teu bisa dibagi-bagi deui.[1] Unggal unsure kawangun ku atom-atom kalawan sipat jeung massa anu idéntik, jeung senyawa kawangun upama atom tina rupa-rupa unsur anu ngahiji dina komposisi anu maneuh.[1] John Dalton pisan élmuwan Inggris anu dina awal abad ka-19 anu midangkeun hipotésa atom kana dunya élmu pangaweruh.[1] Alatan lalmpahanna kitu téh, anjeunna nyuguhkeun konci anu ngamungkinkeun kamajuan gedé dina widang kimia ti mangsa harita.[1]

Sangkan jelas, anjeunna téh lain jalma munggaran anu boga anggapan yén sakumna objék material kawangun ku sajumlahing partikel anu pohara leutikna jeung teu bisa ruksak anu disebut atom.[1] Ieu pamadegan téh geus pernah diajukeun ku filsuf Yunani kuna, Democritus, komo mungkin leuwih awal deui.[1] Ieu hipotésa téh ditarima ku Epicurus, jeung nnu dikahareupkeun sacara brilian deui ku saurang panulis Romawi, Lucretius.[1]

Anjeunna mrosés pikeun ngitung beurat atom tina perséntase komposisi senyawa, make system arbitrér pikeun nangtukeun struktur anu méh sarupa jeung susunan atom.[2] Upama aya dua unsur anu bisa dihijikeun, éta kombinasina téh bakal nyababkeun sasét rangkaéan anu tuluy-tuluyan.[2]

Sumber[édit | sunting sumber]

  1. a b c d e f g h i (id)Biografi John Dalton Pencetus Teori (diakses tanggal 23 November 2011)
  2. a b (en)John Dalton (diakses tanggal 28 November 2011)