Kabel Telekomunikasi Jero Laut

Ti Wikipédia, énsiklopédia bébas
Luncat ka: pituduh, sungsi

Kabel telekomunikasi jero laut nyaéta kabel anu ditempatkeun di handapeun beungeut laut pikeun nyambungkeun jaringan telekomunikasi antar nagara.

Kabel telekomunikasi jero laut munggaran mawa data telegrafi. Generasi satuluyna mawa sinyal telekomunikasi telepon, sarta saterusna data komunikasi. Sakumna kabel modéren ngagunakeun téknologi serat optik pikeun mawa data digital, anu saterusna ogé pikeun mawa data telepon, internet, sarta ogé data pribadi.

Operator telekomunikasi di Indonésia dina taun 1990-an geus ngagunakeun kabel jero laut pikeun nyambungkeun pulo-pulo di Indonesia. Pamakéan kabel laut serat optik ngabogaan réa kauntungan dibandingkeun jeung ngagunakeun gelombang mikro digital (radio térestrial) anu ngabogaan kakurang dina hal ribakpita, ku kituna, kahareup, pamakéan kabel serat optik condong baris beuki réa boh di darat boh di laut. Pamasangan kabel laut dipigawé ku kapal kabel (Cableship) anu dirarancang husus pikeun masang kabel laut. Cableship ngabogaan kakurang nyaéta henteu bisa masang kabel dina laut nu caina déét, ku kituna pikeun wewengkon cai déét (Shore End) biasana digunakeun Barge Cable, anu sanggup ngahontal wewengkon laut anu jerona nepi ka saméter.

Dina taun 2005, kabel telekomunikasi jero laut geus nyambungkeun sakumna buana nu aya di dunya kajaba buana Antarktika.

Nu boga sarta ngajalankeun kapal kabel telekomunikasi jero laut[édit | sunting sumber]

Rujukan[édit | sunting sumber]

Hunt, Bruce J. Lord Cable. Europhysics News (2004), Vol. 35 No 6.

Tempo ogé[édit | sunting sumber]

Tumbu kaluar[édit | sunting sumber]