Kacang héjo

Ti Wikipédia, énsiklopédia bébas basa Sunda
Luncat ka: pituduh, sungsi
Kacang hijau
Klasifikasi ilmiah
Kingdom: Plantae
Division: Magnoliophyta
Class: Magnoliopsida
Order: Fabales
Family: Fabaceae
Genus: Vigna
Species: V. radiata
Ngaran binomial
Vigna radiata
(L.) R. Wilczek
Sinonim

Phaeolus aureus Roxb.

Vigna radiata

Kacang héjo salah sahiji rupa polong-polongan anu alus tumuwuh di daerah anu miboga iklim tropis.[1] Kacang héjo téh asalna ti India sarta dipelak di sakumna benua Asia.[2] Urang China purba ngamangpaatkeun kacang héjo pikeun bahan kadaharan jeung ubar pikeun nurunkeun panas sarta ngaluarkeun racun dina awak.[2] Kaonjoyan kacang héjo upama dibandingkeun jeung bahan kadaharan nu séjén nya éta sanajan dikulubna lila (nepi ka ancur) khasiat kacang héjo henteu ngurangan, sarta henteu kapangaruhan ku panas.[1] Béda jeung bahan kadaharan anu séjén kawas sayur, bungbuahan, sarta ramuan tradisional séjénna anu saumpama di kulub lila teuing baris nurunkeun khasiat ubarna.[1]
Kandungan anu aya dina kacang héjo nya éta protéin (nguatkeun daya tahan awak), kalsium jeung fosfor (nguatkeun tulang), vitamin B1 (mantuan prosés tumuwuh sarta ngahasilkeun énergi), vitamin B2 (mantuan nyerepna protéin dina awak), vitamin E (mantuan ngaronjatkeun kasuburan), zat beusi (mantuan pembentukan sél getih beureum), magnesium (ngajaga fungsi otot jeung syaraf) jeung lemak.[1] Kacang héjo ogé ngandung antioksidan anu mere mangpaat pikeun awak nya éta nyegah penuaan dini sarta nyegah sumebarna sél kanker, ngajaga keasaman lambung, sarta mantuan ngalancarkeun pencernaan.[1]

Referensi[édit | sunting sumber]

  1. a b c d e Kacang Hijau (id) (Diakses ping 17 November 2011)
  2. a b Kacang Hijau (id) (Diakses ping 17 November 2011)