Londok

Ti Wikipédia, énsiklopédia bébas basa Sunda
Luncat ka: pituduh, sungsi
Londok
Klasifikasi ilmiah
Kingdom: Animalia
Phylum: Chordata
Class: Reptilia
Order: Squamata
Suborder: Iguania
Family: Chamaeleonidae
Genera

Bradypodion
Calumma
Chamaeleo
Furcifer
Kinyongia
Nadzikambia
Brookesia
Rieppeleon
Rhampholeon

Londok (kulawarga Chamaeleonidae) mangrupakeun squamata nu kaasup salah sahiji kulawarga kadal. Ngaran ilmiahna dicokot tina Basa Yunani Kuna χαμαιλέων (khamaileon), tina χαμαί (khamai) "dina lemah/taneuh" + λέων (leon) "singa", jadi "singa taneuh"[1].

Pedaran[édit | sunting sumber]

Wangun létah londok

Awak londok ukuranana rupa-rupa, ti Brookesia minima nu ukur 2,5 cm nepi ka Furcifer oustaleti jalu nu panjangna 79 cm[2]. Dina huluna sok aya unak-anik kaahéngan, contona liang irungna nonjol, bentuk kawas cula dina Chamaeleo jacksonii, atawa sarupaning jawér kawas bogana Chamaeleo calyptratus. Ieu sato boga dimorfismeu séksual, katémbong tina lobana rarangkén/hiasan dina jaluna, sedengkeun anu bikang mah teu pati.

Spésiés-spésiés londok sacara umum mibanda wangun anu sarua, boh suku, panon, létah, sarta teu boga ceuli. Ramo sukuna aya lima, tapi ngumpul jadi dua kelompok: dua ramo (jempol jeung curuk) jeung tilu ramo (jajangkung nepi ka cingir). Ku kituna, suku londok bisa muntang pageuh dina dahan. Lian ti éta, ramona ogé dilengkepan ku cakar anu seukeut sahingga bisa lincah tétérékélan dina tatangkalan. Pikeun ngadukung kahirupanana dina tatangkalan, sawareh londok boga buntut anu bisa ngagulung. Hal ieu utamana pikeun kasaimbangan awak jeung pikeun muntang.

Nu paling istiméwa ti ieu réptil nyaéta panonna. Kongkolak luhur jeung handap ngahiji, ukur nyésakeun liang leutik anu cukup keur pupilna. Panonna bisa muter jeung mokus séwang-séwangan nempo ka objék anu béda. Ku kituna, londok bisa nempo 360° ka sakurilingna. Mun mangsa geus katempo, kadua panonna bisa fokus sahingga persépsi anggangna leuwih sampurna.

Vidéo[édit | sunting sumber]

Rujukan[édit | sunting sumber]

  1. Dictionary.com entry for "chameleon"
  2. Glaw, Frank, Vences, Miguel (1994). A Field Guide to Amphibians and Reptiles of Madagascar (éd. ka-2), Köln: M. Vences & F. Glaw Verlags GbR. ISBN 3-929449-01-3.

Tumbu kaluar[édit | sunting sumber]

Wikispecies
Wikispecies mibanda émbaran ngeunaan


Nulis.jpg