Macan dahan Sunda

Ti Wikipédia, énsiklopédia bébas
Luncat ka: pituduh, sungsi
Macan Dahan Sunda
Temporal range: Pléstosin Awal - Kiwari
Macan Dahan Sunda di hilir Walungan Kinabatangan, Sabah wétan, Malaysia
Status konservasi
Klasifikasi ilmiah
Kingdom: Animalia
Phylum: Chordata
Class: Mammalia
Order: Carnivora
Family: Felidae
Subfamily: Pantherinae
Genus: Neofelis
Species: N. diardi
Ngaran binomial
Neofelis diardi
G. Cuvier, 1823
Sebaran Macan Dahan Sunda
Sinonim

Felis diardii
Felis macrocelis
Felis marmota
Neofelis nebulosa diardi

Macan dahan Sunda (Neofelis diardi) nyaéta hiji spésiés ucing liar ukuran sedeng nu hirup di Kalimantan jeung Sumatra. Taun 2006, ieu spésiés kakara dipisahkeun ti dulurna Macan dahan (Neofelis nebulosa) di daratan utama buana Asia.[2][3]

Taun 2008 IUCN ngasupkeun ieu spésiés kana kelas rawan, kusabab ukuran populasi éféktifna kurang ti 10.000 (sawawa) anu terus ngurangan.[1]

Saméméhna, ieu spésiés katelah Macan dahan Bornéo (Basa Inggris: 'Bornean clouded leopard') — ngaran anu dipublikasi ku WWF dina Maret 2007, nyonto omongan Dr. Stephen O'Brien ti Lembaga Kangker Nasional AS, "Hasil panalungtikan genetik écés nuduhkeun yén macan dahan di Kalimantan kudu dianggap salaku spésiés anu misah".[4]

Dedegan[édit | sunting sumber]

Macan dahan Sunda téh ucing panggedéna di Bornéo, awakna seseg, beuratna 12-25 kg. Panjang sihungna nepi ka 5 cm, buntutna mapakan panjang awakna. Pola buluna teu tetep, tapi sacara umum kawas awan (ku kituna dina basa Inggris katelah "clouded leopard", "maung tutul awan"). Najan para élmuwan geus wanoh ka ieu sato ti awal abad ka-19, ieu sato kakara diaku salaku hiji spésiés taun 2006, lain subspésiés ti Neofelis nebulosa.[2][3]

Sebaran jeung habitat[édit | sunting sumber]

Macan dahan Sunda sigana ukur aya di kalimantan jeung Sumatra. Di Kalimantan kapanggih di leuweung hujan lebak (handapeun 1500 m lbl) jeung di leuweung geledegan (leuwih saeutik). Di Sumatra kapanggih leuwih loba hirup di pagunungan, tapi can kanyahoan aya/henteuna di Kapuloan Batu deukeut Sumatra anu laleutik.[1]

Ékologi jeung paripolah[édit | sunting sumber]

Paripolah/pola hirup macan dahan Sunda can pati dipikawanoh kusabab tara kawénéhan, tapi sacara umum hirupna resep nyorangan.

Macan dahan ilaharna néang mangsa dina taneuh sarta ngamangpaatkeun kabisana dina tétérékél pikeun nyingkahan bahya.[rujukan?]

Ngaran lokal[édit | sunting sumber]

Di Indonésia ieu sato katelah "macan dahan", anapon dina basa Malayu (baheula dipaké di Sumatra, kiwari masih dipaké di Malaysia) disebut "harimau dahan".[rujukan?]

Rujukan[édit | sunting sumber]

  1. a b c Hearn, A., Sanderson, J., Ross, J., Wilting, A. and Sunarto, S. (2008). "Neofelis diardi". IUCN Red List of Threatened Species. Version 2010.4. International Union for Conservation of Nature. 
  2. a b Buckley-Beason, V.A., Johnson, W.E., Nash, W.G., Stanyon, R., Menninger, J.C., Driscoll, C.A., Howard, J., Bush, M., Page, J.E., Roelke, M.E., Stone, G., Martelli, P., Wen, C., Ling, L.; Duraisingam, R.K., Lam, V.P., O'Brien, S.J. (2006). "Molecular Evidence for Species-Level Distinctions in Clouded Leopards". Current Biology 16 (23): 2371–2376.
  3. a b Kitchener, A.C., Beaumont, M.A., Richardson, D. (5 Désémber 2006). "Geographical Variation in the Clouded Leopard, Neofelis nebulosa, Reveals Two Species". Current Biology 16 (23): 2377–2383.
  4. "New Species Declared: Clouded Leopard found on Borneo and Sumatra". ScienceDaily. 15 Maret 2007. Diakses pada Éror: titimangsa teu valid. 

Tutumbu kaluar[édit | sunting sumber]

Artikel kalawarta anu bisa kénéh dibuka: