Marie Curie

Ti Wikipédia, énsiklopédia bébas basa Sunda
Luncat ka: pituduh, sungsi
Marie Curie (1898)

Marie Curie anu ngaran lahirna Maria Sklodowska (gumelar di Polandia 7 Nopémber 1867, maot di Perancis 4 Juli 1934) nya éta élmuwan wanoja anu ngulik widang radioaktip anu kungsi meunangkeun panglélér nobél 2 kali[1][2]. Marie Curie nya éta profésor wanoja pertama di Sorbonne sakaligus salah sahiji ahli fisika jeung ahli kimia anu kasohor[2].

Marie kuliah di Universitas Sorborne Perancis, tuluy nikah jeung Pierre Curie (1893)[1][2]. Sabada nalungtik panimuan Sinar X karya Wilhelm Conrad Röntgen, Marie manggihan hiji unsur anu disebut radioaktip anu dicoba direcah kucara kristalisasi[2][1]. Ieu pasangan manggih dua unsur kimi anu disebut polonium jeung unsur radioaktip anu leuwih luhur tingkatanna, dingaranan radium[2][1]. Dina taun 1903 Marie meunangkeun nobél dina widang fisika, sedengkeun dina taun 1911 nobél dina widang kimia[2]. Euweuh deui anu meunangkeun nobél 2 kali iwal ti Marie Curie[2].

Sabada salakina maot dina kacelakaan, Curie ngalanjutkeun panalungtikanna dina widang radioaktip[1]. Dina perang dunya I, Curie méré kontribusi anu kacida gedéna sabab ngagunakeun radium pikeun kapentingan médis kucara ngadegkeun Institut terapi radium di Perancis, Polandia jeung Amerika Sarikat[1][2]. Kasehatanna mulai turun dina taun 1920-an lantaran kurangna pangaweruh ngeunaan bahayana bahan radioaktip dina kurun waktu anu panjang, Marie maot tanggal 4 Juli 1934 alatan anemia aplastik anu disababkeun ku radiasi unsur radioaktip[2][1]. Marie dimakamkeun di Sceaux, bareng jeung salakina, tuluy ieu pasangan dipindahkeun ka Pantheon, Paris[2].

Référénsi[édit | sunting sumber]

  1. a b c d e f g [Biografi Marie Curie] (diaksés tanggal 4 Désémber 2011)
  2. a b c d e f g h i j [Élmuwan Fisika-Marie Curie] (diaksés tanggal 4 Désémber 2011)
Nulis.jpg