Maroon 5

Ti Wikipédia Sunda, énsiklopédi bébas


Personil Maroon 5

Maroon 5 nyaéta grup musik pop rock asal Los Angeles, kalifornia, Amerika Serikat kalayan anggota Adam Levine (vocal, gitar), James Valentine (gitar, backing vocals), Jesse Carmichael (keyboard, backing vocals), Mickey Madden (bass, backing vocals) jeung Matt Flynn (drum)[1]. Saacan resmi jadi Maroon 5, ieu grup musik dingaranan Kara's Flower dina taun 1995[2]. Nalika masih kénéh maké ngaran Kara's Flower, Adam Levine dkk kungsi nyieun album di taun 1997, harita posisi drummer dieusian ku Ryan Dusick anu kaluar taun 2006 terus digantikeun ku Matt[2]. Ngaran Maroon 5 diresmikeun taun 2001,bareng jeung asupna James ka ieu grup[2]. Maroon 5 kasohor ku lagu andalanna Harder to Breathe, This Love, She Will Be Loved, Sunday Morning jeung Makes Me Wonder[1].

Diskografi[édit | édit sumber]

Album SOngs About Jane dirilis taun 2002, diteruskeun ku album It Won't be Soon Before Long taun 2007[1][2]. Ngaliwatan 2 album ieu jeung singlena, Maroon 5 meunang sababaraha panglélér, di antarana: Grammy Award pikeun Best New Artist, Grammy Award pikeun Best Pop Performance By A Duo Or Group With Vocal kalayan lagu This Love, jeung panglélér séjénna[1]. Taun 2010 kamari, Maroon 5 ngarilis album Hands All Over[2].

Référénsi[édit | édit sumber]

  1. a b c d Maroon 5-Kapanlagi.com (diaksés tanggal 6 Nopémber 2011)
  2. a b c d e (en)Maroon 5-letssingit.com (diaksés tanggal 6 Nopémber 2011)