Matoa

Ti Wikipédia, énsiklopédia bébas basa Sunda
Luncat ka: pituduh, sungsi
Matoa
Gambar:Matoa.jpg
Klasifikasi ilmiah
Kingdom: Plantae
Division: Magnoliophyta
Class: Magnoliopsida
Order: Sapindales
Family: Sapindaceae
Genus: Pometia
Species: P. pinnata
Ngaran binomial
Pometia pinnata

Matoa (Pometia pinnata) nyaeta tutuwuhan bungbuahan has Papua, nu tangkalna gede kalayan jangkung rata-rata 18 meter tur diameter rata-rata maksimeum 100 cm.[1] Ilaharna buahan sakali dina sataun.[1] Kembangan dina bulan Juli tepikeun ka Oktober tur buahan 3 atawa 4 bulan sanggeusna.[1] Sumebarna buah matoa di Papua ampir aya di sakabeh wewengkon dataran handap tepikeun ka luhurna ± 1200 m dbl.[1] Tuwuh kalayan hade di wewengkon nu kondisi lemahna garing (henteu ngeyembeng) kalayan lapisan taneuh nu kandel.[1] Iklim nu dibutuhkeun pikeun tuwuh kalayan hade nyaeta dina iklim kalayan curah hujan nu luhur (>1200 mm/taun).[1] Matoa oge aya di sababaraha wewengkon di Sulawesi, Maluku, katut Papua New Guinea.[2] Buah matoa rasana manis.[2]

Di Papua dipikawanoh 2 rupa matoa, nyaeta Matoa Kelapa katut Matoa Papeda.[1] Ciri nu ngabedakeun duanana nyaeta dina tekstur buahna, Matoa Kelapa mah cicirena teh daging buahna geunyal kawas rambutan aceh, diameter buah 2,2-2,9 cm jeung diameter siki 1,25-1,40 cm.[1] Sedengkeun Matoa Papeda cicirena nyaeta daging buahna rada beye jeung lengket kalayan diamater buah 1,4-2,0 cm.[1] Pepelakan ieu gampang adaptasi jeung kondisi panas atawa tiis.[2] Tangkalna oge tahan kana serangga nu ilaharna ngaruksak buah.[2]

Rujukan[édit | sunting sumber]

  1. a b c d e f g h i Litbang Papua
  2. a b c d Vivaborneo

Lihat pula[édit | sunting sumber]


Nicotiana tabacum - Köhler–s Medizinal-Pflanzen-098.jpg