Samoja

Ti Wikipédia, énsiklopédia bébas basa Sunda
Luncat ka: pituduh, sungsi
Samoja
Plumeria alba (Samoja bodas)
Klasifikasi ilmiah
Kingdom: Plantae
Division: Magnoliophyta
Class: Magnoliopsida
Order: Gentianales
Family: Apocynaceae
Genus: Plumeria
Tourn. ex L.
Spésiés

7-8 spésiés:


Samoja atawa kamoja atawa kamboja nyaéta sakumpulan tutuwuhan dina genus Plumeria. Bentukna mangrupa tangkal leutik kalawan daun nu arang tapi kandel. Kembangna anu seungit pohara has, sarta makuta kembangna boga warna bodas nepi ka beureum semu wungu, biasana lima lambar. Kembang kalayan opat atawa genep lambar makuta dianggap ngabogaan kakuatan goib ku masarakat nu tangtu.

Aya anggepan cenah ieu tutuwuhan téh asalna ti Amérika Tengah. Tutuwuhan ieu diaranan Plumeria pikeun ngahormat Charles Plumier (1646-1706), ahli botani asal Perancis. Samoja ayeuna mangrupakeun tangkal anu pohara populér di Pulo Bali alatan dipelak di ampir saban pura sarta juru kampung, sarta ngabogaan fungsi penting dina kabudayaan satempat. Di sawatara tempat di Indonesia, kaasup Malaysia, samoja dipelak di kuburan minangka tutuwuhan pangiuhan sarta pananda tempat.

Samoja bisa dibudidayakeun kalawan gampang ku cara sték tangkal.

Samoja kiwari jamak dipaké pepelakan hias di luar imah sanajan mimitina mah ieu pepelakan téh ngan digunakeun minangka pepelakan kuburan.

Tempo ogé[édit | sunting sumber]