Statistik deskriptif

Statistik déskriptif nyaéta hiji cabang statistik nu ngagambarkeun ayana sababaraha téhnik nu dipaké keur nyokot kasimpulan tina runtuyan data. Dina hal ieu nyaéta ngagunakeun data anggota keur ngajelaskeun runtuyan data. Téhnikna biasana digolongkeun kana:

1. Déskripsi grafis nu ngagunakeun grafik pikeun ngajinekkeun data.
2. Déskripsi tabular nu maké tabel pikeun nyimpulkeun data.
3. Déskripsi paramétrik nu ngaéstimasi nilai paraméter nu pasti ku cara ngagunakeun anggapan keur ngawincik sacara lengkep hiji runtuyan data.

Sacara umum, data statistis bisa didadarkeun salaku daptar subjék atawa unit katut data nu patali jeung masing-masingna. Sanajan lolobana panalungtik ngagunakeun sababaraha tipe data keur unggal satuan, urang watesan ngan keur hiji bagéan data keur méré gambaran mimiti.

Aya dua pasualan nu hayang dijéntrékeun nyaéta:

1. Milih statistik keur nembongkeun sabaraha béda satuan nu meh sawanda. Dina buku statistik nu nujul kana hal ieu nyaéta ukuran central tendency.
2. Milih statistik séjén keur nembongkeun sabaraha béda di antara dua pasualan. Dina statistik ilahar disebut ukuran statistical variability.

Lamun urang nyimpulkeun lobana hal saperti panjang atawa beurat atawa umur, geus ilahar ngagunakeun rata-rata aritmetika, median, atawa mode. Kadangkala, milih nilai husus tina fungsi sebaran kumulatif nu disebut kuantil.

Ukuran variabiliti ilahar keur data kuantitatip nyaéta varian; akar kuadratna nyaéta simpangan baku; rentang; interquartile range; sarta simpangan mutlak.

Tempo oge

• statistical regularity
• planning statistical research
• statistical inference
• kasimpulan statistik
• data mining