Abéng Sunarya
Page Modul:Infobox/styles.css has no content.
| Abéng Sunarya | |
|---|---|
| Gumelar | 2 Januari 1920 Bandung, Jawa Kulon, Hindia-Walanda |
| Tilar dunya | 1988 Bandung, Jawa Kulon, Indonésia |
| Pagawéan | Dalang wayang golék |
| Kolotna | Juhari bin Artasim |
Abéng Sunarya bin Jauhari, dikenal ogé Abah Sunarya (gumelar di Bandung, 2 Januari 1920 ― tilar dunya di Bandung, 1988) mangrupa dalang wayang golék Purwa. Lian janten dalang, anjeuna ogé ngadamel wayang golék. Abéng Sunarya pernah janten anggota pengurus Yayasan Padalangan sareng PEPADI di Kabupatén Bandung.[1]
Abéng Sunarya atos akrab dina dunya padalangan ti alit ku sabab pun bapana, Juhari bin Artasim, mangrupa dalang wayang golék. Abéng Sunarya mula-mula diajaran ku bapana nepi ka taun 1938. Saatos bapana tilar dunya, Abéng Sunarya mimiti diajar padalangan ka dalang Atmaja Cilebar. Dina taun 1940, Abéng Sunarya angkat ka Tegalega janten diajaran ku dalang R.U. Partasunda. Abéng Sunarya mimiti tampil janten dalang di taun 1944, sarta namina teras kasohor tina éta.[1]
Abéng Sunarya atos janten dalang wayang golék nu kasohor di taun 1950. Taun 1970 nepi ka 1980-an, Abéng Sunarya diundang janten dalang di luar negeri, di antarana di Perancis sarta Swédia (1985). Lian janten dalang wayang golék, Abéng Sunarya ogé ngadamelan waysng golék. Dina taun 1957, Abéng Sunarya ngadirikeun Padépokan Pusaka Giri Harja, anu aya di Kampung Jelekong, Ciparay, Bandung, salaku tempat kursus ngadalang wayang golék Purwa. Loba muridna anu hasil janten dalang nu kasohor, di antarana putrana. Ti 13 jalmi nu diajar anjeuna, 5 di antarana janten dalang wayang golék nu kasohor, nyaéta Adé Kosasih Sunarya (Giriharja 2), Asep Sunandar Sunarya (Giriharja 3), Ugan Sunagar Sunarya (Giriharja 4), Idén Subasrana Sunarya (Giriharja 5), sareng Agus Supangkat Sunarya (Giriharja 6).[1]
Rujukan
[édit | édit sumber]- ↑ a b c Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Cet. 1 ed.). [Jakarta]: Pustaka Jaya. ISBN 9794192597. OCLC 45463431.
|
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |