Alkésah

Ti Wikipédia, énsiklopédia bébas
Luncat ka: pituduh, sungsi
Alkésah (Sawo Walanda)
Klasifikasi ilmiah
Karajaan: Plantae
Divisi: Magnoliophyta
Kelas: Magnoliopsida
Order: Ericales
Kulawarga: Sapotaceae
Génus: Pouteria
Spésiés: P. campechiana
Ngaran binomial
Pouteria campechiana
Baehni

Alkésah (Pouteria campechiana), kalan-kalan disebut sawo walanda atawa campoléh, mangrupakeun tuwuhan taunan nu ngahasilkeun buah nu kapanggih di Méksiko, Brazil, Taiwan, Viétnam. Ieu tuwuhan diduga asalna ti Méksiko nyaéta to kota Campeche. Di Indonésia, tuwuhan ieu mangrupakeun salah sahiji tuwuhan buah anu mimiti hésé ditimukeun. Di Bandung, baheula aya kebon alkésah di Gang Halteu, Kacamatan Andir, tapi kiwari geus teu aya. Hanjakal buah ieu henteu dimangpaatkeun maksimal. Padahal alkésah beunghar ku kalori, zat tipung, vitamin (saperti vitamin A jeung vitamin B) sarta mineral.

Buah alkésah nu geus asak

Alkésa tuwuh nepi ka jangkungna 10 méter sarta ngahasilkeun buah nu warnana jingga semu konéng nu panjangna nepi ka 7 cm sarta bisa didahar tanpa diasakan heula. Warna buahna héjo waktu ngora sarta konéng waktu geus asak. Kulit buahna gampang soék sahingga gampang ruksak. Daging buah alkésa boga tékstur

jiga hui boléd konéng, amis sarta rada kesed. Urang Inggris mindeng ngabandingkeun daging buah alkésah jeung kuluban konéng endog sahingga maranéhna mindeng nyebut ieu buah minangka eggfruit. Ditempo ti tékstur buahna, alkésah cocog dijadikeun bahan baku selé, dodol atawa digaringkeun jadi tipung minangka bahan kuéh.

Rujukan jeung tumbu ka luar[édit | édit sumber]