Alkésah
| Alkésah (Sawo Walanda) | |
|---|---|
| |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | |
| Spésiés: | P. campechiana
|
| Ngaran binomial | |
| Pouteria campechiana | |
Alkésah (Pouteria campechiana), kalan-kalan disebut sawo walanda atawa campoléh, mangrupa tuwuhan taunan nu ngahasilkeun buah nu kapanggih di Méksiko, Brazil, Taiwan, Viétnam. Ieu tuwuhan diduga asalna ti Méksiko nyaéta to kota Campeche. Di Indonésia, tuwuhan ieu mangrupa salah sahiji tuwuhan buah anu mimiti hésé ditimukeun. Di Bandung, baheula aya kebon alkésah di Gang Halteu, Kacamatan Andir, tapi kiwari geus euweuh. Hanjakal buah ieu henteu dimangpaatkeun maksimal. Padahal alkésah beunghar ku kalori, zat tipung, vitamin (saperti vitamin A jeung vitamin B) sarta mineral.
Alkésa tuwuh nepi ka jangkungna 10 méter sarta ngahasilkeun buah nu warnana jingga semu konéng nu panjangna nepi ka 7 cm sarta bisa didahar tanpa diasakan heula. Warna buahna héjo waktu ngora sarta konéng waktu geus asak. Kulit buahna gampang soék antukna gampang ruksak. Daging buah alkésa boga tékstur
jiga hui boléd konéng, amis sarta rada kesed. Urang Inggris mindeng ngabandingkeun daging buah alkésah jeung kuluban konéng endog antukna maranéhna mindeng nyebut ieu buah minangka eggfruit. Ditempo ti tékstur buahna, alkésah cocog dijadikeun bahan baku selé, dodol atawa digaringkeun jadi tipung minangka bahan kuéh.