Atmosphere

Ti Wikipédia Sunda, énsiklopédi bébas
Loncat ke navigasi Loncat ke pencarian

Atmosphere, atawa mood, dina karya sastra mangrupa rékaan suasana anu dipaké ngalataran carita sangkan nimbulkeun gambaran kanu maca kana léokna kajadian nu bakal lumangsung, naha bakal pikabungraheun atawa bakal piketireun. Saheulaanan bisa digunakeun istilah suasana.[1] Ieu petikan di handap dicutat tina novel kalepatan Putra Dosana Ibu Rama (1927) karangan joehna (baca: Yuhana), bagian anu rék patepungna dua rumaja dina suasana suka bungah.[1] Dina poé Minggu pasosoré, langit mani lénglang taya nu ngahalang-halang, lir sutra paul ngading-ding semu nu midanga, angin leutik ngadalingding, nebak kana gedong-gedong nu garandang, dasar dayeuh Bandung nu semu dilingkung ku gunung, pasir mani ngelir, jalan butbat laléndor paranti nu mundar-mandir.[1] Panonpoé ménggok ngulon, sinarna gading lir emas anyar disangling, sumorot sumerat sumebray, lir jamparing kancana, matak waas lamun ditingali, bet jiga nu memendakan semu isin, réhna rék tepang jeung indung peuting.[1]

Unsur Novel[édit | édit sumber]

Kritikus anu nganalisis tina umumna ngabedakeun tilu unsur nu ngabentuk Novel nyaéta galur, panokohan jeung latar . Salian ti éta nu sanes na bersifat simbolis anu tina téori modérn disebat Atmosphere (suasana) jeung Tone (Nada).[2]

Rujukan[édit | édit sumber]

  1. a b c d Kamus Istilah Sastra Sunda. Bandung. 2016. p. 23. 
  2. Wicaksono, Andri (2014-04-30). Pengkajian Prosa Fiksi (dalam Indonesian). PenerbitGarudhawaca. ISBN 9786027949256.