Aura
Nyaéta médan énérji anu ngurilingan sakumna matéri.[1] Sing naon waé anu mibanda struktur atom bakal mibanda aura, médan énérji anu nyaputna.[1] Atom unggal matéri diwangun tina éléktron-éléktron jeung proton-proton anu tuluy-tuluyan bagerak.[1] Éléktron-éléktron jeung proton-proton ieu téh geteran énérji listrik jeung magnét.[1] Atom-atom mahluk hirup leuwih aktip jeung gumeter tinimbang atom-atom dina barang paéh.[1] Ku sabab kitu médan énérji tutuwuhan, sasatoan, jeung manusa leuwih gampang didétéksi jeung dialaman.[1] Aura manusa nyaéta médan énérji anu nyaput sakujur jasmani.[1] Aura ngurilingan di sakuliah jihat awak, aura sipatna tilu diménsi.[1]
Dina individu anu séhat, aura ngawangun élips atawa lonjong endog di sakujur awak.[1] Di karéréaan jalma, aura bakal mencar tilu tepi ka opat méter di sakuliah awakma. Aura para guru kuno bisa manjang nepi ka sababaraha kilométer jauhna.[1] éta sababna maranéhna bisa dipiajrih ku ‘pengikut-pengikutna’ di mana waé ayana.[1] Nu pangumumna dipikawanoh nyaéta halo (buleudan kudus) anu nyaputan para suhu jeung jalma-jalma suci, aura anu panggampangna ditingali ku karéréaan jalma.[1]
Ciri-ciri Aura:
[édit | édit sumber]- Unggal aura boga frékuénsi anu has.[1]
- Aura hiji jalma bakal tali-tumali jeung aura jalma lian.[1]
- Aura jelema bakal tali-tumali ogé jeung sasatoan, tutuwuhan, mineral, jeung médan énérji liana.[1]
- Mingkin raket hubungan hiji jalma jeung jalma/ matéri séjén, bakal mingkin gedé inténsitas tali-tumalina énérgi.[1]
- Aura nuduhkeun jihat fisik, émosi, mental, jeung rohaniah hiji jalma.[1]
Ningali Aura
[édit | édit sumber]Ningali aura leuwih mangrupa masalah jasmaniah tinimbang métafisik.[1] Sing saha baé ogé bisa diajar ningali aura.[1] Hiji jalma sina nangtung 50 cm hareupeun latar bodas biasa.[2] Éta jalma sina santéy, narik napas jero.[2] Sangkan bisa ningali kalawan hadé urang kudu nangtung kira-kira anggang tilu méter tur cahayana tong caang teuing.[2] Tingali ngaliwatan sirah jeung taktak éta jalma, bakal katingali kuluwung bodas samar-samar, atawa pérak kulawu ngurilingan sakujur awakna.[2] Katingali ampir-ampiran jiga aya lampu di tukangeun éta jalma anu ditojokeun ka luhur.[2] Bisa jadi dibutuhkeun waktu sababaraha kali.[2] Kakara katilu poéna bisa ditingali warna-warnina.[2] Tapi warna-warna naon?[2] Konéng atawa kayas warna munggaran anu sering katingali ti karéréaan jalma.[2]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Rujukan