Batu ginjal
Batu ginjal nyaéta batu-batu urine anu nyangkaruk sabada ginjal ngolah cairan.[1]Leuwih loba deui ayana dina kandung kemih.[1] Sabab utama kabentukna batu urine nu namoer nyaéta urin nu ngandung loba teuing zat nu jiga uyah atawa gara-gara uyah nu teu leyur atawa nu leyurna ngan saeutik. [1]Dina proses satuluyna batu-batu éta namper dina sabudeureun obyek asing.[1] Inti atawa puseur tina hiji batu ginjal nyaéta sél épitél, mukus, nanah, sél getih beureum jeung sajabana.[1] Dina sababaraha kasus pangan nu ngandung uyah bakal ngagancangkeun kabentukna batu.[1] Gambaran klinis tina panyakit batu ginjal sarua jeung pyelitis kajaba nyeri nu kaciri leuwih parna.[1] Gejala nu paling atra nyaéta serangan kolik.[1] Numpukna urin sabab jalan ka luarna kahalangan, antukna nyababkeun gejal-gejala uremik. [1]Lamun urin dipariksa dina mikroskop kaciri aya sél nanah, sél épitél, jeung batu sisikian nu leutik pisan.[1] Sél darah ogé bisa disababkeun tina pendarahan.[1] Kalawan ku cara nengetan heuras jeung henteuna bentuk ginjal, aya atawa henteuna batu ginjal téh bisa kanyahoan.[1]