Beling

Ti Wikipédia Sunda, énsiklopédi bébas
Loncat ke navigasi Loncat ke pencarian
Beling botol di saung reyod, Myuna Creek, Heathcote NP, Sydney, Australi

Beling nyaéta bubuk atawa sesemplékan tina bahan kaca atawa bahan gagarabah.[1][2] Harti asal tina kecap beling téh mimitina mah pikeun nyebutkeun bahan kaca atawa gagarabah. Kabéhdieunakeun kecap beling ngalaman éséran makna jadi leuwih heureut (spéalisasi), nyaéta pikeun nuduhkeun sémplékan atawa bubuk tina bahan kaca atawa gagarabah nu geus peupeus. Beling kawilang bahaya lantaran bisa ngabalukarkeun cilaka, kacugak ku beling. Loba barang-barang nu dijieun tina bahan beling di antarana gelas, piring, ringkok, botol, jsb.

Runtah[édit | édit sumber]

Runtah beling nu dihasilkeun tina runtah rumah tangga meureun teu pati loba tinimbang runtah palastik mah. Sok sanajan kitu, runtah beling kawilang bahaya pisan lantaran bisa nyumebabkeun cilaka pikeun nu nincakna, komo mun semplékan beling teu dibubukkeun heula. Résiko badag bisa kacugak beling pikeun nu nincakna, komo mun bari dibarengan ku kokotor mah, bisa ngalantarankeun kaserang ku panyakit tétanus.

Di nagara-nagara maju, beling dipasingkeun jadi runtah nu kagolong bahaya. Nya tadi téa bahayana téh bisa nyilakakeun, nu nincak bisa kasura. Carangka runtah pikeun beling di nagara-nagara maju mah disayagakeun husus, sarua kawas runtah kaléng, disayagakeun husus ogé.[3] Carangka runtah pikeun beling umumna mah warnana kulawu kalawan ditulisan B3, dibarengkeun jeung runtah obat nyamuk jeung sajenis lianna.[4] Sedengkeun di nagara-nagara kumembang kayaning di Indonésia, runtah beling sok dicampurkeun jeung runtah organik, ieu nyumebabkeun loba jalma nu jadi korban, kacugak ku beling nalika masing-masingkeun runtah di tempat pamiceunan ahir runtah.[5]

Rujukan[édit | édit sumber]

  1. "Hasil Pencarian - KBBI Daring". kbbi.kemdikbud.go.id. Diakses tanggal 2018-02-26. 
  2. Danadibrata, R.A. (1 Desember 2009). Kamus Basa Sunda R.A. Danadibrata. Bandung: Kiblat Buku Utama. p. 83. ISBN 9793631937. 
  3. "Pengelolaan Sampah Di Negara-Negara Maju". pustaka.abatasa.co.id. Diakses tanggal 2018-02-26. 
  4. Lestari, Idha Ayu. "5 Jenis Warna Tempat Sampah yang Perlu Kita tahu" (dalam bahasa id-ID). Hipwee. https://www.hipwee.com/list/5-jenis-warna-tempat-sampah-yang-perlu-kita-tahu/. Diakses pada 2018-02-26 
  5. "Akibat Sampah Dicampur, Pemulung Kerap Tertusuk Beling" (dalam bahasa en-US). AdaKitaNews. 2017-01-22. https://www.adakitanews.com/akibat-sampah-dicampur-pemulung-kerap-tertusuk-beling/. Diakses pada 2018-02-26