Bolu

Ti Wikipédia, énsiklopédia bébas
Jump to navigation Jump to search
Kuéh bolu pikeun milangkala

Bolu nyaéta ngaran kuéh bakar sarta hipu saperti roti, bahan anu dijieuna nyaéta tipung tarigu campur endog jeung gula bodas.[1] Sangkan ngahasilkeun kuéh bolu anu ngeunh tur alus bentukna aya sababaraha hal anu kudu ditengetan saperti endog, tipung tarigu, oven jeung kumaha mastikeun kuéh asak.[2] Kudu diperhatikeun kumaha cara ngocok endog anu bener lantaran lamun dina ngocokna salah balukarna kuéh bolu bakal teu beukah.[2] Tarigu ogé mangaruhan kana beuhkahna kuéh lantaran lamun tariguna baseuh kuéh moal beukah nalika di oven na.[2] Jadi saencan dipaké tarigu kudu dihéarkeun sangkan teu baseuh.[2] Saméméh ngasupkeun loyang kana oven sakuduna oven dipanaskeun heula sangkan adonan jadi beukah moal bantét.[2] Suhu oven kudu 180darajat selsius.[2] Mikanyaho kuéh asak atawa henteuna nya ta carana tojos bagian tengah kuéh ku nyéré lamun garing tandana éta kuéh geus asak.[2]

Cara nyieun kuéh bolu[édit | édit sumber]

Bahan-bahan [3]: :

  1. Endog 6
  2. Gula bodas ¾ gelas
  3. Mantéga 200 g
  4. Tipung tarigu sagelas
  5. TBM 35 g
  6. Panili bubuk sacukupna

Alat:

  1. Cetakan Kué (Loyang) nu buleud.
  2. Oven Listrik
  3. Mixer
  4. Panci 2
  5. Kompor

Carana mimiti siapkeun alat jeung bahan-bahan anu geus dibéréndélkeun di luhur, sanggeus kitu campur endog jeung gula 3/4 gelas jeung panili galo lalaunan nepi ka rata.[3] Cairkeun mantéga.[3] Sanggeus cair, tiiskeun ulah panas teuing.[3] Galokeun campuran endog, gula jeung panili nu di mixer nepi ka beukah tuluy tambahan TBM.[3] Asupkeun tarigu jeung mantéga cair kana adonan lalaunan kalayan bareng sangkan adonan rata.[3] Asupkeun adonan kana loyang, ulah poho saméméhna loyang téh di mantégaan heula.[3] Sanggeus kitu asupkeun kana oven listrik. Tungguan nepi ka asak.[3]

catetan[édit | édit sumber]

  1. [Danadibrata,R.A.(2006).Kamus Basa Sunda.Bandung: Kiblat Buku Utama.
  2. a b c d e f g Tips Anti Gagal Memasak Kue Bolu(Dicutat tanggal 26 November 2011)
  3. a b c d e f g h Resep Kue Bolu (Dicutat tanggal 26 November 2011)