Bubur lemu
 Bubur lemu bodas anu dibanjur ku kinca gula beureum | |
| Nami sanés | Bubur sumsum |
|---|---|
| Asal | Indonésia (Tatar Sunda & Jawa) |
| Jinis | Bubur / Kajajén |
| Bahan utama | Tipung béas, santen, gula beureum |
| Rasa | Gurih sarta amis (kinca) |
Bubur lemu atawa Bubur sumsum nyaéta kadaharan anu dijieun tina tipung béas. Diolahna aya ogé nu sok dicampur cipati jeung gula beureum.[1][2]
Étimologi
[édit | édit sumber]Dina basa Sunda, kecap lemu miboga harti lembut, lemak, atanapi gurih. Nami ieu dipilih dumasar kana kaayaan buburna anu lembut nalika diteureuy sarta miboga rasa gurih anu kuat tina campuran cipati kalapa anu kentel.[3]
Aspék Budaya
[édit | édit sumber]Di tatar Sunda, bubur lemu miboga harti simbolis dina kahirupan masarakat:
- Pangreuwas: Mindeng disajikeun sanggeus hiji kulawarga bérés ngayakeun hajatan badag. Dipercaya, dahar bubur lemu bisa ngaleungitkeun rasa capé ("lemu" hartosna mulihkeun tanaga).
- Katuangan Orok sarta Sepuh: Kusabab téksturna anu kacida lembutna, bubur lemu sering dijadikeun katuangan tambahan pikeun orok anu nuju diajar dahar atanapi pikeun jalma sepuh anu parantos ompong.
- Menu Buka Puasa: Salasahiji menu tajil anu populér sabab rasana anu amis seger sarta hampang di jero patuangan.
Variasi
[édit | édit sumber]Salian ti bubur lemu polét (bodas wungkul), aya ogé variasi Bubur Lemu Campur anu disajikeun babarengan jeung bubur kacang héjo, candil, atanapi bubur kétan hideung.[4]
Rujukan
[édit | édit sumber]Bahan Jieun
[édit | édit sumber]Aya sababaraha bahan anu kudu disiapkeun, nyaéta.[2]
- 250 gram tipung béas
- 1 sdt uyah
- 1 liter santen encer
Cai Gula
[édit | édit sumber]Pikeun nyieun cai gula, dubuthkeun bahan-bahan di antarana:[5]
- 100 gram gula beureum, siksikan nepi ka lemes
- Daun pandan
- Gula bodas saluyu karesepna
- 100 ml cai
Cara Ngajieun
[édit | édit sumber]Bubur:[5]
- Campur tipung, uyah, jeung santen nepi ka rata.
- Saring supaya tipung kacampur rata
- Campuran éta kudu terus dikocék rata nepi ka kentel jeung ngagolak
- Jait tuluy tiiskeun
Cai gula:[5]
- Campur kabéh bahan
- Panaskeun di seuneu anu leutik, tuluy jait
- Saring cai pikeun nngaleungitkeun nu ngeres
- Sajikeun bubur tuluy kucuran ku cai gula
Rujukan
[édit | édit sumber]- ↑ Taufik Hidayat, Rachmat Spk.2007.Peperenian Urang Sunda.Bandung:Kiblat. Halaman 51
- 1 2 Andayani S,Ria Dkk.2004. Makanan Khas Ramadhan di Kabupaten Ciamis.Bandung:Kementerian Kebudayaan dan Pariwisata. Halaman32
- ↑ Rigg, Jonathan. (1862). A Dictionary of the Sunda Language of Java. Batavia: Lange & Co. Kaca 246.
- ↑ Haryati, S. (2014). Kuliner Tradisional Sunda. Bandung: Geger Sunten.
- 1 2 3 Wiki Books. Resep:Bubur Sumsum Diaksés ping 4 Oktober 2017