Curug Citambur
Curug Citambur nyaéta salah sahiji curug anu aya di kabupatén Cianjur luhurna kira-kira 100 méter.[1] Perenahna di désa Karang Jaya, kacamatan Pasirkuda, Cianjur Kidul.[1] Caina pohara tiis jeung euweuh jalma anu kungsi wani mandi dina lebah curugna.[1] Lamun mandi dina lebah ragragna cai awak bakal nyareri alatan jumlah volume cai anu gedé, leuwih gedé ti batan Curug Cimahi di wewengkon Cisarua, Kabupatén Bandung.[1]
Asal Usul Ngaran
[édit | édit sumber]Aya dua vérsi ngeunaan asal-usul ngaran ieu curug téh.[2] Vérsi nu kahiji nyebutkeun yén ieu curug téh dingaranan Citambur ku masarakat alatan sora ragragna cai méh sarua jeung sora tambur atawa kendang.[2] Ana pon vérsi anu kadua dumasar kana legenda anu hirup di masarakat sabudeureun ieu curug ngeunaan raja anu ngarana Prabu Tanjung Anginan.[2]
Pikeun nepi ka ieu curug bisa ngaliwatan dua rute.[2] Anu kahiji rute ti puseur kota Cianjur, anu kadua ngaliwatan Bandung.[2] Upama liwatna ti Bandung, bisa nyokot arah ka Bandung kidul arah ka kacamatan Ciwidéy Kabupatén Bandung, sabada perkebunan entéh Rancabali aya pertelon, cagak anu ka arah lempeng mah nunjukkeun arah ka Situ Patengan, ana pon anu ka katuhu nunjukkeun arah ka kebon entéh Sinumbara anu dituluykeun ka kacamatan Rancabali.[2] Ti dinya tuluy liwat ka désa Cipelah jeung désa Karang Jaya, tempat ayana Curug Citambur.[2]
Réferénsi
[édit | édit sumber]- ↑ a b c d (id) Pesona Curug Citambur (diakses tanggal 28 Oktober 2011)
- ↑ a b c d e f g (id) Curug Citambur Archived 2012-02-12 di Wayback Machine (diakses tanggal 28 Oktober 2011)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |