Cut Tari

Ti Wikipédia Sunda, énsiklopédi bébas
Cut Tari
GumelarCut Tari Aminah Anasya
1 Nopémber 1977 (1977-11-01) (yuswa 46)
Jakarta, Indonesia
KabangsaanIndonesia
Pagawéan
Jangkungna162 cm
PasanganJohannes Yusuf Subrata (m. 2004–14) Richard Kevin (m. 2019)
Anak1
KolotnaTeuku Joeransjah
Cut Tari

Cut Tari nu miboga ngaran asli Cut Tari Aminah Anasya, dipikawanoh minangka presenter, aktris sinetron sarta layar lebar.[1] Awéwé kalahiran Jakarta, 1 Nopémber 1977 ieu, miboga getih turunan Aceh ti bapana, Teuku Joesransjah.[1] Tari jeung Yusuf Subrata nikah anu lumangsung dina taun 2004 kalayan miboga saurang putri anu dibéré ngaran Sidney Azkassyah Yusuf nu dilahirkeun sacara sesar di rumah sakit di Jakarta dina 10 Oktober 2007.[1]

Cut tari nyaéta anak katilu ti 4 duduluran sarta awéwé getihan acéh ieu geus ngukir prestasi keur masih di bangku SD.[2] Manéhna jadi jawara Musabaqoh Tilawatil (MTQ) tingkat RW.[2] Manéhna sempet diajar piano sarta organ, tapi kaeureunkeun di tengah jalan.[2] Nginjek umur 13 taun awéwé anu akrab disapa Uly ieu jadi resep mejeng di hareup kaméra.[2] Lalampahan karirna di dunya artis awalna ku sabab miluan Pemilihan Gadis Sampul 1991, ti dinya manéhna meunang kasempetan jadi bintang iklan produk kosmetik rumaja nyaéta Belia dina taun 1993.[2] Mimiti terjun ka dunya akting lantaran manéhna diajak ku Harry de Fretes minangka béntang tamu di sinetron komedi Dongeng Langit.[2] Saterusna manéhna meunangkeun tawaran deui tampil di sinetron Sisi-sisi Dunia 1993, minangka pemeran pembantu.[2] Geus loba sinetron anu diperankeun ku manéhna, nepi ka kiwari sanajan ngaku jenuh kalayan peran antagonisna anu sering di perankeun dina sinetron, ayeuna Cut Tari tetep éksis ngabintangan sawatara sinetron sarta presenter dina sagala rupa acara.[2]

Rujukan[édit | édit sumber]

  1. a b c (id)Cut Tari[tumbu nonaktif] (diaksés tanggal 25 Nopember 2011)
  2. a b c d e f g h (id)Kisah Cut Tari Archived 2010-06-24 di Wayback Machine (diaksés tanggal 26 Nopember 2011)