DAMRI
DAMRI nyaéta kapanjangan tina Djawatan Angkoetan Motor Repoeblik Indonésia nu dibentuk dumasar Makloemat Kementerian Perhoeboengan RI No.01/DAMRI/46 tanggal 25 Nopember 1946 nu tugas utamana ngayakeun angkutan jalma jeung barang di jalan kku ngagunakeun kendaraan motor.[1]
Sajarah Damri
[édit | édit sumber]Taun 1943, aya dua usaha angkutan di jaman keur dijajah ku Jepang nyaéta ''Jawa Unyu Zigyosha'' nu husus keur ngangkut barang ku treuk, gorobak/cikar jeung ''Zidosha Sokyoku'' nu ngalayanan angkutan panumpang ku kandaraan motor/beus.[2] Taun 1945 sanggeus Indonésia merdéka, dikokolakeun ku Kementerian Perhubungan RI, Jawa Unyu Zigyosha robah ngaran jadiDjawatan Pengangkoetan keur angkutan barang sedengkeun Zidosha Sokyoku robah jadi Djawatan Angkutan Darat keur ngangkut panumpang.[2] Tanggal 25 November 1946, dua jawatan éta digabung dumasar Makloemat Menteri Perhoebungan RI No.01/DAM/46 jadi Djawatan Angkoetan Motor Repoeblik Indonesia nu disingget DAMRI nu status utaman ngayakeun pengangkutan darat ku beus, treuk, jeung angkutan motor liana.[2] Tugas ieu nu ngajadikeun sumanget Kesejahteraan Damri nu geus nyekel peranan aktif dina kiprah perjuangan mertahankeun kamerdékaan ngalawan agrési Walanda di Jawa.[2] Taun 1961 aya peralihan status Damri jadi Badan Pimpinan Umum Perusahaan Negara (BPUPN) dumasar PP No.233 taun 1961, nu tuluy dina taun 1965 BPUNP dihapus sarta Damri ditetepkeun jadi Perusahaan Negara.[2] Taun 1982 Damri alih status jadi Perusahaan Umum (Perum) dumasar PP No.30 taun 1984, nu tuluy ku PP No.31 taun 2002 nepi ka ayeuna.[2] Perum Damri dibéré tugas jeung wewenang pikeun ngayakeun jasa angkutan umum keur panumpang atawa barang ku kendaraan motor.[2]
Referensi
[édit | édit sumber]- ↑ Pengertian Damri Archived 2011-10-16 di Wayback Machine diakses tanggal 11 November 2011
- ↑ a b c d e f g Sejarah Damri Archived 2011-11-26 di Wayback Machine diakses tanggal 09 November 2011
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |