Dogdog

Ti Wikipédia Sunda, énsiklopédi bébas
Loncat ke navigasi Loncat ke pencarian
Dogdog

Dogdog nyaéta alat musik anu disadakeun ku cara ditakol ku leungeun, wangunna buleud panjang rada ngaleutikan ka bagian handapna. Dijieunna tina kai golondongan nu diliangan. Di wewengkon Banten mah disebutna dodod, di Cisolok Sukabumi mah disebutna dogdog lojor. Dogdog digunakeun dina pintonan réog atawa ogél.

Dogdog dipaké dina pintonan réog atawa ogél. Dogdog dina réog diwangun luhur 4 buah: anu pangalitna disebut tilingtit (garis tengah luhur panjangna 18–20 cm, garis tengah handap 10–14 cm, panjang badan handap 20–24 cm), dogdog kadua dingaranan panempas (garis tengah luhur panjangna 20–24 cm, garis tengah handap 16–18 cm, panjang badan handap 26–28 cm), nu katilu disebut badugblag (garis tengah luhur panjangna 26–30 cm, garis tengah handap 24–26 cm, panjang badan handap 32–36 cm) dogdog kaopat disebut gogog atawa parengwong, anu pangagengna (garis tengah luhur panjangna 40–50 cm, garis tengah handap 38–42 cm, panjang badan handap 36–40 cm).[1]

Di Jalaksana Kuningan, dogdog nu pangalitna dinamikeun si kacang, nu kadua pangalitna dinamikeun si tanjung, nu katilu dinamikeun si melog, sarta nu pangagengna dinamikeun si bokor.[1]

Bahan anu digunakeun pikeun nyieun dogdog nyaéta kayu kenanga atawa nyiur, lembaran kulit (kulit sapi, kebo, mbé, atawa domba) sarta rotan pikeun tali anu ngiketna. Saenggeus digereut-gereut sarta dibuang kulitna, kawi cendana atawa nyiur ditatah jadi lubang ageng. Ujung lubang ageng ditutup nganggé kulit anu atos dikeringkeun, ngaitkeun ujung-ujung kulit di rotan anu ngalingker di badan dogdog.[1]

Rujukan[édit | édit sumber]

  1. a b c Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Cet. 1 ed.). [Jakarta]: Pustaka Jaya. ISBN 9794192597. OCLC 45463431. 
Nulis.jpg