Franz Ferdinand

Ti Wikipédia, énsiklopédia bébas
Jump to navigation Jump to search
Franz Ferdinand dina acara Viña del Mar International Festival, 27 Pébruari 2006

Franz Ferdinand nyaéta grup musik asal Skotlandia anu dibentuk di Glasgow, Skotlandia taun 2002[1]. Personilna nyaéta Alex Kapranos (vokal jeung gitar), Bob Hardy (bass), Nick McCarthy (gitar, keyboard jeung backing vocal) sarta Paul Thomson (drum, perkusi jeung backing vokal)[1]. [[Chatéau jadi markas Franz Ferdinand pikeun latihan[2]. Chatéau nyaéta gudang kosong anu teu kapaké[2].

Debut pertamana dimuali taun 2004 kalayan judul album FRANZ FERDINAND anu rilis bulan Pébruari di Inggris terus bulan maret di Amerika. single tina ieu album nyaéta take me out[1]. Album perdana ieu meunang panglélér, di antarana:Mercury Prize, MTV Awards dina katégori Breakthrough Video Award (Panglélér vidio klip inovatif) jeung Q Awards salaku Best Video pikeun lagu Take Me Out'[1].

Suksés di Album pertama diteruskeun di Album kadua. Alex saparakanca ngarilis albumYOU COULD HAVE IT SO MUCH BETTER di Taun 2005[1][2]. Di taun ieu pisan, Franz ferdinand dilélér jadi Best British Group (grup musik aliran British pangalusna) jeung Best British Rock Act dina ajang Brit Awards[1]. Tanggal 26 Januari 2009, Franz Ferdinand ngarilis album katiluna kalayan judul TONIGHT anu jadi single andalanna nyaéta Ulysses[1]. Ieu album pernah aya dina peringkat 2 di UK Chart Album, lian ti éta ieu album geus kajual 31.000 CD dina saminggu ti saprak rilis[1].

Référénsi[édit | édit sumber]

  1. a b c d e f g h Franz Ferdinand-kapanlagi.com (diaksés tanggal 27 Oktober 2011)
  2. a b c (en)Biografi Franz Ferdinand (diaksés tanggal 27 oktober 2011)


Nulis.jpg