Gabriel Fahrenheit

Ti Wikipédia Sunda, énsiklopédi bébas
Gabriel Fahrenheit
Hidrometer jieunan Fahrenheit

Daniel Gabriel Fahrenheit (24 Méi 1686-16 Séptémber 1736) nyaéa saurang fisikawan Jerman. Lahir di Danzig, Polandia.[1] Anjeunna nu nimukeun mimiti skéma Fahrenheit dina taun 1724.[1] Dina taun 1720, sabada ngalakukeun rupa-rupa panalungtikan, anjeunna manggihan yén pamakéan cai raksa dina nyieun alat pangukur suhu baris ngajamin kakauratan.[1] Derajat suhu anu dipaké dina éta térmométer téh tuluy dingarangan Fahrenheit, luyu jeung ngaran nu nimukeunana. Fahrenheit tilar dunya dina taun 1736.[1]

Skala Fahrenheit nyaéta salah sahiji skala suhu salian ti Célsius jeung Kélvin.[1] Dina skala ieu, titik beku cai nyaéta 32 derajat Fahrenheit (ditulis 32 F°) jeung titik ngagolakna cai téh nyaéta 212 derajat Fahrenheit.[1] Négatif 40 derajat Fahrenheit sarua jeung negatif 40 derajat Célsius. Skala Fahrenheit réa dipaké di Amérika Serikat.[1]

Aya sababaraha paguntrengan ngeunaan kumaha Fahrenheit mikirkeun skala suhuna.[2] Aya anu nyatakeun yén Fahrenheit nangtukeun titik enol (0 derajat Fahrenheit) jeung 100 derajat F dina skala témpraturna ku cara nyutat témpratur di luar panghandapna anu bisa diukur jeung témpratur awakna sorangan.[2] Témpratur di luar panghandapna tuluy ku anjeunna dijadikeun titik enol anu diukur nalika usum tiis taun 1708 nyanghareupan taun 1709 di kampong asalna, Gdansk (Danzig).[2]

Sumber[édit | édit sumber]

  1. a b c d e f g (id)Daniel Gabriel Fahrenheit, Fisikawan Jerman Archived 2011-01-20 di Wayback Machine (diakses tanggal 11 November 2011)
  2. a b c (id)Biografi Daniel Gabriel Fahrenheit Archived 2011-01-18 di Wayback Machine (diakses tanggal 11 November 2011)