Gorillaz

Ti Wikipédia Sunda, énsiklopédi bébas
Konsér Gorrilaz di London, inggris

Gorrilaz nyaéta grup musik virtual (teu nyata bungkeuleukanana)[1]. Gorrilaz diciptakeun ku Damon Albarn jeung Jamie Hewlett, Damon anu mangrupa personil Blur gawé bareng jeung jamie Hewlett, komikus nyiptakeun opat tokoh, di antarana 2D, Noodle, Murdoc Niccals jeung Russel Hobbs minangka personil Gorillaz[1]. Salaku grup musik virtual, unggal karakter personil miboga kasang tukang kahirupan kawas manusa, malah mah aya sejarahna[1]. Gorillaz ogé nyieun konsér di Panggung maké bantuan layar pikeun nampilkeun unggal tokoh animasi jeung para musisi tambahan[1]. Malah mah dina konsér taun 2005-2006, Gorillaz ngagunakeun proyéksi 3D (tilu Diménsi) méh para personilna katingali jiga aya dina panggung[1].

Diskografi[édit | édit sumber]

Album pertamana dingaranan GORRILAZ anu dirilis ku Parlophone taun 2001[2]. Album kaduana dirilis taun 2002 kalayan judul album SPACEMONKEYZ VERSUS GORILLAZ - LAIKA COME HOME[2]. Album DEMON DAYS dirilis taun 2005 ku parlophone[2]. Di taun nu sarua album WE ARE THE DURY - INTERVIEW CD (CD, promo)[2]. Album THE FALL dirilis taun 2010, unikna ieu album dirilis teu ngaliwatan perusahaan rekaman, tapi dirilis sorangan[2]. Di Taun nu sarua, Gorillaz ngarilis album PLASTIC BEACH ku parlophone[2].

Référénsi[édit | édit sumber]

  1. a b c d e gorillaz-kapanlagi.com (diaksés tanggal 2 Nopémber 2011)
  2. a b c d e f (en)Gorillaz Discography (diaksés tanggal 2 Nopémber 2011)