Gunung Kelud

Ti Wikipédia Sunda, énsiklopédi bébas
Gunung Kelud

Luhur 1,731 meter (5,679 sukut)
Perenah Jawa Timur, Indonesia
Koordinat7.93° S 112.308° E
TipeStratovolcano
Panungtungan bitu1990

Gunung Kelud nyaéta hiji gunung seuneuan nu perenahna di pulo Jawa, Indonesia. Siga lolobana gunung seuneuan di Indonésia, Gunung Kelud kawentar ku gedéna bitu salila sajarahna. Malahan mah, taun 2007 gunung ieu keur dina mangsa-mangsa tatahar rék bitu.

Dina 9 Méi 1919, bituna Gunung Kelud niwaskeun kurang leuwih 5,000 jiwa, lolobananana alatan aliran leutak nu disebut ogé lahar. Bitu satuluyna nyaéta taun 1951, 1966, jeung 1990 sakabéhna niwaskeun 250 urang.

Bitu nu gedé dina awal Pébruari 1990 ngahasilkeun kolom tephra nu luhurna 7 kilometer, raragragannana tephra sarta sababaraha kocoran piroklastis. Leuwih ti 30 urang tiwas. Nu digarawé masih kénéh neruskeun ngali déposit kocoran piroskalstik nu panas kénéh (90 - 400 °C) nu luhurna tepi ka 25 méter nu ngubur sungut Kanal Ampera, di sisi béh kulon kidul kawah. Kanal ieu diwangun keur ngocorkeun situ kawah sanggeus bitu taun 1966 pikeun ngurangan bahya lahar.

Dina 16 Oktober, 2007, nu wenang di Indonésia nitah ngungsikeun 30,000 padumuk nu nganjrek di sabudeureun Kelud, sanggeusna élmuwan nempatkeun gunung seuneuan ieu dina hambalan pangéling pangluhurna, nu hartina diperkirakeun bakal téréh bitu.[1]

Tempo ogé[édit | édit sumber]

Rujukan[édit | édit sumber]

  • Zen, M.T., and Hadikusumo, D. (1965) "The future danger of Mt. Kelut" Bulletin Volcanologique series 2, 28: pp. 275–282.
  • Van Bemmelen, R.W. (1970) The geology of Indonesia, Vol. 1A, general geology of Indonesia and adjacent archipelagoes Martinus Nijhoff, The Hague, ISBN 90-247-1171-1
  • Brand, E.W. (1984) "Landslides in Southeast Asia: a state-of-the-art report" In IV International Symposium on Landslides = IV Symposium international sur les glissements de terrains 1: pp. 17–59, Canadian Géotechnical Society, Toronto, OCLC 77114072

Catetan[édit | édit sumber]

  1. Karmini, Niniek (2007-10-16). "Indonesian volcano threatens to erupt". Associated Press. Diakses tanggal 2007-10-16.