Hong hongan
Hong hongan mangrupa salah sahiji kaulinan budak masarakat Sunda nu kiwari ampir tilem.[1] Ieu kaulinan méh sarua jeung ucing sumput. Bédana, hong hongan mah maké tihang, minangka tempat cicingna nu néangan.[1][2] Biasana dipaénkeun ku leuwih ti opat urang.[1]
Prak-prakanna
[édit | édit sumber]Si A upamana kagiliran purah néangan, cicingna téh deukeut tihang téa, bari ngajaga sangkan tihang ulah kaacampa ku nu nyarumput.[2] Nu nyarumput poma ula katempo ku nu ngajaga tihang.[2] Mun katempo, nu jaga tihang téh kokoréléngan néangan nu nyumput ka ditu ka dieu.[2] Tah lamun keur balangah kana tihang kitu, tihang téh sok dirikat diburu ku nu nyumput (dicampa) bari ngagorowok "Cambal !" cenah.[2][1] Mun geus dicambalkeun kitu, nu geus dihongkeun téh kaci nyarumput deui.[2] Tapi lamun si A nempo salah sahii nu nyumput, si A bakal nyampa tihang bari ngagorowok "Hong si Anu !".[1] Lamun nu nyarumput bisa kahongkeun kabéh tur tihang taya nu nyampa, nu jaga tihang bisa nyumput bari masrahkeun tihang jaga ka jalma nu pangheulana dihongkeun, tuluy kitu saterusna.[2]
Rujukan
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |