Glikolisis: Béda antarrépisi

Ti Wikipédia Sunda, énsiklopédi bébas
Konten dihapus Konten ditambahkan
RedBot (obrolan | kontribusi)
m r2.7.1) (bot Nambih: sk:Glykolýza
HerculeBot (obrolan | kontribusi)
Baris ka-86: Baris ka-86:
[[ps:ګلايکوليسېز]]
[[ps:ګلايکوليسېز]]
[[pt:Glicólise]]
[[pt:Glicólise]]
[[ro:Glicoliză]]
[[ro:Glicoliză - Calea Embden-Meyerhoff-Parnas]]
[[ru:Гликолиз]]
[[ru:Гликолиз]]
[[sk:Glykolýza]]
[[sk:Glykolýza]]

Révisi nurutkeun 12 Pébruari 2012 21.09

Glikolisis ngarupakeun awal alur métabolik katabolisme karbohidrat. Bentuk glikolisis nu pangilaharna dipikawanoh nyaéta alur Embden-Meyerhof. Istilah glikolisis bisa ogé ngawengku alur pilihan séjén kayaning alur Entner-Doudoroff. Ngan, glikolisis nu dipedar di dieu salaku sinonim pikeun alur Embden-Meyerhof.

Glikolisis ngarupakeun prosés universal nalika sagala rupa sél nurunkeun énergi ti gula. Najan lain nu pang éfisiénna, glikolisis perlu sabab anaérob; nyéta, teu merlukeun oxigén.

Kaluaran

Glikolisis ngarobah hiji molekul glukosa jadi dua molekul piruvat sarta "ékivalén pangréduksi" (reducing equivalents) dina ujud koénzim NADH.

Réaksi umum glikolisis:

Glukosa + 2 NAD+ + 2 ADP + 2 Pi → 2 NADH + 2 piruvat + 2 ATP + 2 H2O + 4 H+

Jadi, pikeun fermentasi basajan, métabolisme hiji molekul glukosa ngahasilkeun dua molekul ATP. Sél-sél nu ngajalankeun réspirasi sélulér nyintésis ATP leuwih loba, tapi teu diangap kaasup glikolisis. Réspirasi aérobik eukariot ngahasilkeun tambahan kira 34 molekul ATP nalika ngoksidasi hiji molekul glukosa.

Lokasi

Dina eukariota, glikolisis téh lumangsung dina sitosol sél (lain dina mitokondria, tempat kalolobaan métabolisme aérobik). Glukosa asup ka sél ngaliwatan difusi. Dina sababaraha jaringan, misalna otot rangka, prosés ieu téh dirangsang ku insulin.

Lajuning laku

Dikumahakeun panungtungna piruvat jeung NADH nu dihasilkeun tina glikolisis gumantung ka organisme jeung kaayaanana, utamana aya/henteuna oksigén atawa panampa éléktron lian.

Dina fermentasi, métabolisme piruvat jeung NADH lumangsung anaérob sahingga ngahasilkeun rupa-rupa sanyawa. Misalna baktéri nu dipaké dina ngolah yogurt ukur ngaréduksi piruvat jadi asam laktat, sedengkeun ragi ngahasilkeun étanol jeung karbon dioksida.

Dina organisme aérobik, piruvat asup kana daur asam sitrat, sedengkeun NADH dioksidasi ku oksigén dina prosés awal fosforilasi oksidatif. Najan métabolisme manusa utamana aérobik, tapi dina kaayaan anaérob, misalna dina otot nu loba teuing gawé sahingga kakurangan oksigén, piruvat dirobah jadi laktat, sarua jeung dina loba mikroorganisme.

Évolusi

Glikolisis mangrupakeun hiji-hijina jalur métabolik nu aya di ampir sakabéh organisme, hal ieu nunjukkeun kabuhunanana dina posisi évolusi; diduga aya ti jaman prokariota munggaran, paling henteu 3,5 juta taun ka tukang.

Runtuyan

Étimologi

Tina basa Yunani glyk nu hartina amis jeung lysis nu hartina ngaleyurkeun.

tempo ogé

Tumbu kaluar

Citakan:Link FA