Daur asam sitrat

Ti Wikipédia, énsiklopédia bébas basa Sunda
Luncat ka: pituduh, sungsi

Daur asam sitrat atawa siklus asam sitrat (ogé katelah daur asam trikarboksilat, daur TCA, atawa daur Krébs) nyaéta saruntuyan réaksi kimia nu penting pisan dina sakabéh sél mahluk hirup nu migunakeun oksigén dina réspirasi sélularna. Dina organisme aérobik ieu, daur asam sitrat téh jalur métabolik nu ngabentuk sabagian tina prosés ngarecah karbohidrat, gajih, jeung protéin jadi karbon dioksida jeung cai sangkan ngahasilkeun énergi. Daur ieu mangrupakeun nu kadua ti tilu jalur métabolik katabolisme molekul sumber énergi jeung produksi ATP.

Daur asam sitrat ogé nyadiakeun prékursor pikeun rupa-rupa sanyawa kawas asam amino, jaba réaksi-réaksina penting pisan dina prosés fermentasi.

Sajarah[édit | sunting sumber]

Daur asam sitrat ogé katelah Daur Krébs nu nujul ka Sir Hans Adolf Krebs (1900-1981), nu ngajukeun unsur konci dina jalur ieu taun 1937 sarta dileler Hadiah Nobel Kadokteran pikeun papanggihanana taun 1953.

Lokasi, asupan & hasil daur[édit | sunting sumber]

Daur asam sitrat lumangsung dina jero mitokondria pikeun eukariot, sedengkeun pikeun prokariot lumangsung di sitoplasma.

Katabolisme molekul sumber énergi (kaasup glikolisis) ngahasilkeun asetil-KoA, gugus asetil dua-karbon nu kabeungkeut ku koénzim A. Asetil-KoA mangrupa asupan utama dina daur asam sitrat. Sitrat sakaligus mangrupakeun produk munggaran jeung ahir daur ieu (Gbr. 1) nu dihasilkeun deui tina kondensasi oksaloasetat jeung asetil-KoA.

Gambar:Tca.png
Gambar 1: Gambaran skématik daur asam sitrat.
Molekul Énzim Tipe réaksi Réaktans/
Koénzim
Hasil/
Koénzim
I. Sitrat 1. Akonitase Dehidrasi H2O
II. cis-Akonitat 2. Akonitase Hidrasi H2O
III. Isositrat 3. Isositrat dehidrogénase Oksidasi NAD+ NADH + H+
IV. Oksalosuksinat 4. Isositrat dehidrogénase Dekarboksilasi
V. α-Ketoglutarat 5. α-Ketoglutarat
dehidrogénase
Oksidatif
dekarboksilasi
NAD+ +
KoA-SH
NADH + H+
+ CO2
VI. Suksinil-KoA 6. Suksinil-KoA sintétase Hidrolisis GDP
+ Pi
GTP +
KoA-SH
VII. Suksinat 7. Suksinat dehidrogénase Oksidasi FAD FADH2
VIII. Fumarat 8. Fumarase Adisi (H2O) H2O
IX. L-Malat 9. Malat dehidrogénase Oksidasi NAD+ NADH + H+
X. Oksaloasetat 10. Sitrat sintase Kondensasi
XI. Asetil-KoA

Jumlah sadaya réaksi na daur asam sitrat, nyaéta:

Asetil-KoA + 3 NAD+ + FAD + GDP + Pi + 2 H2O ⇒
KoA-SH + 3 NADH + H+ + FADH2 + GTP + 2 CO2 + 3 H+

Dua karbon dioksidasi jadi CO2, énergi nu dihasilkeunana disimpen na ATP (ATP mangrupa "alat tukeur énergi universal" sél), NADH, jeung FADH2. NADH jeung FADH2 mangrupakeun koénzim (molekul nu ngafungsikeun atawa ngaronjatkeun fungsi énzim) nu neundeun énergi, nu bisa dipaké nalika butuh.

Jalur métabolik utama nu patali jeung daur TCA[édit | sunting sumber]

Gambar:Tca over.png
Gambar 2:Gambaran skématik jalur métabolik utama nu patali jeung daur asam sitrat. (1) Katabolisme protéin, (2) katabolisme lemak, (3) karbohidrat, (4) Asam amino, (5) Asetil-KoA, (6) Piruvat, (7) Daur asam sitrat

Tempo ogé[édit | sunting sumber]

Tumbu kaluar[édit | sunting sumber]