Sitoplasma

Sitoplasma mangrupa bagian tina sél anu dibulen ku mémbran plasma. Sitoplasma diwangun ku cai, protéin, karbohidrat, lemak, mineral jeung vitamin. Sitoplasma fungsina jadi tempat neundeun bahan-bahan kimia sél anu penting keur prosés metabolisme sél, saperti énzim, ion, gula, lemak jeung protéin. Dina sél eukariotik, sitoplasma mangrupa bagian non- nuklir protoplasma . Dina sitoplasma aya sitoskeleton, rupa-rupa organél jeung vesikel, ogé aya sitosol anu mangrupa cacai keur ngambang organél anu lian. Sitosol ngeusi rohangan sél anu henteu ditempatan ku organél jeung vesikula anu jadi tempat réaksi biokimia keur mindahkeun bahan ti luar sél kana organél atawa inti sél. ^[1] Sitoplasma sifatna koloid. Ukuran partikel anu lebur nyaéta 0,001-0,1 mikron jeung miboga sipat transparan. Sitoplasma aya dina jero sél tapi di luar inti jeung organél sél. ^[2]

Organél

Mitokondria, fungsina dina prosés oksidasi jeung mualisasi.
Plastid, anu ngandung klorofil, fungsina dina fotosintésis.
Vakuola fungsina keur neundeun bahan kadaharan.
Ribosom, salaku tempat pikeun lumangsungna sintésis protéin .
Retikulum endoplasma, tiasa dibagi jadi dua:
- Retikulum endoplasma kasar, di mana ribosom napel.
- Retikulum endoplasma lemes.
Aparat Golgi, aktip fungsina dina sékrési sareng sintésis polisakarida.
Lisosom, miboga peran dina prosés paéhna rupaning sél.^[1]

Fungsi

Mantuan mindahkeun rupa-rupa senyawa anu aya dina awak sél.
Mantuan meresihan sésa métabolisme sél.
Jadi area kagiatan dina sél ngaliwatan prosés anu disebut streaming sitoplasma. Ieu hal disababkeun ku ayana uyah dina sitoplasma nepi ka cacai anu aya di jerona ngahasilkeun sinyal listrik keur ngarojong kagiatan sél beuki alus.
Transportasi matéri génétik. Ku ayana sitoplasma matéri génétik bisa aman waktu paadu dina sél.^[3]

Rujukan

↑ ^a ^b Amelia, Rizky. "Struktur Sel". sumberbelajar.belajar.kemdikbud.go.id. Diakses tanggal 11 November 2020. Archived 12 Nopémber 2020 di Wayback Machine
↑ Sunarto, Eko Susilowati, S. Pd dan Drs Wagino (2020-10-05). Pewarisan Sifat pada Manusia, Hewan dan Tumbuhan (dalam Indonesian). Semarang: Alprin. p. 9. ISBN 978-623-263-562-3.
↑ Asmi, Harisni. "Inilah Pengertian Sitoplasma dan Fungsinya bagi Manusia". SehatQ (dalam Indonesian). Diakses tanggal 2021-04-15. Archived 2021-04-15 di Wayback Machine

[:0-1] Amelia, Rizky. "Struktur Sel". sumberbelajar.belajar.kemdikbud.go.id. Diakses tanggal 11 November 2020. Archived 12 Nopémber 2020 di Wayback Machine

[2] Sunarto, Eko Susilowati, S. Pd dan Drs Wagino (2020-10-05). Pewarisan Sifat pada Manusia, Hewan dan Tumbuhan (dalam Indonesian). Semarang: Alprin. p. 9. ISBN 978-623-263-562-3.

[3] Asmi, Harisni. "Inilah Pengertian Sitoplasma dan Fungsinya bagi Manusia". SehatQ (dalam Indonesian). Diakses tanggal 2021-04-15. Archived 2021-04-15 di Wayback Machine

[1]

[2]

[3]