Imah

Imah di Jalan Fishpool, St Albans, Inggris

Harti lain tina imah tempo di Imah (disambiguasi).

Imah dina harti nu geus umum ngarupakeun struktur bangunan beunang manusa nu dihalangan ku dingding jeung hateup. Imah mangrupakeun hiji tempat keur nyingkahan présipitasi, kaanginan, kapanasan, katiisan, gangguan manusa jeung sato. Masarakat kadang indit ti imah dina waktu sababaraha poe keur kaperluan digawé jeung rékréasi, tapi umumna balik deui ka imah nu boga fungsi utama keur saré.

Sacara umum imah ngabogaan hiji jalan asup, nu ilaharna mangrupa panto atawa gapura, jeung mungkin ngabogaan sababaraha jandéla atawa leuwih. Tapi jaman kiwari mah, geus loba imah anu teu ngan ukur miboga hiji panto.

Sajarah

Imah geus dipake tempat cicing ku manusa ti zaman pra-sajarah, mimiti dipake salaku alternatif pikeun guha. Bahan, gaya, sarta cara nyieun wangunan geus robah-robah sajalan jeung waktu.

Imah urang Éropah barétona ukur mangrupa saung nu kamarna hiji nu ditempatan ku sakabéh kulawarga sarta ingon-ingon, keur ngajaga imah jeung pangeusina tetep haneut salila usum salju.

Diantara conto tiheula (nurutkeun umur pangira-ngira nu ditéangan ku para arkéolog), imah nu has waktu harita nyaéta palafitte.

Bentuk séjén

Wangun séjén imah nyaéta apartemén (atawa flat), nu mangrupakeun salasahiji tina sababaraha unit nu aya dina sababaraha tingkat, sarta dipisahkeun ku lantéy, pinding jeung panto tapi dihijikeun pikeun ngawangun hiji wangunan nu leuwih gedé tapi aya dina sahandapeun hiji hateup. Hiji imah nu eusina ukur dua apartemén disebut dupléks. Di Inggris, flat nu boga dua lantéy disebut maisonette. Mansion nyaéta hiji imah nu kacida gedéna, mindengna mah kacida pinuhna ku hiasan tur hargana mahal.

Pangiuhan

Bentuk pangiuhan (shelter) nu leuwih basajan batan imah di antarana dugout, ténda (tempo ogé kémah), camper, saung, hateup tanpa pinding, atawa struktur kalayan hateup jeung satengah pinding, saperti mindeng katimu dina halte beus, jeung gazébo.

Artikel ieu keur dikeureuyeuh, ditarjamahkeun tina basa Inggris. Bantuanna didagoan pikeun narjamahkeun.

Tempo ogé

Artikel

• Bahan wangunan
• Co-housing
• Domotics jeung otomasi imah.
• Earth-sheltered home
• Housing estate
• Lustron
• Imah mobil
• Parker Morris Committee
• Penthouse
• Trailer

Daptar

• Daptar tipe imah
• Daptar gaya imah
• Daptar jejer real estate

Tumbu kaluar

• Photos of rare houses at Singleton Wealdland and Downland Museum, Nr Chichester