Hélsinki: Béda antarrépisi
Tidak ada ringkasan suntingan |
Uchup19 (obrolan | kontribusi) |
(taya bédana)
|
Révisi nurutkeun 28 Pébruari 2018 11.08
Hélsinki nyaéta ibukota nagara Finlandia anu aya di bagéan beulah kidul sarta mangrupa kota panggedéna nu aya di Finlandia.[1] Dina sajarahna, Finlandia kungsi dijajah ku Uni Soviet di mana dina mangsa harita ibukota Finlandia dipindahkeun ti Turku ka Hélsinki.[1] Sésa-sésa titinggal kependudukan Uni Soviet masih katingali di ieu kota, di mana loba wangunan sajarah anu ngagunakeun wangun desain jeung arsitéktur anu mirip jeung wangunan di Rusia.[1] Di jaman ayeuna, Hélsinki mangrupa kota métropolitan kalawan sistem transportasi jero kota anu katata kalawan hadé, sarta fasilitas nu ngadukung transportasi modéren anu nyambungkeun Hélsinki jeung kota-kota lainna sarta jeung nagara lain boh ngaliwatan jalur darat, laut, jeung udara.[1]
Kondisi cuaca di Hélsinki henteu saékstrim jeung kota-kota di bagéan beulah kalér atawa nagara Skandinavia lainna lantaran lokasi jeung pangaruh laut Baltik anu ngabalukarkeun hawa waktu usum panas henteu tarik teuing jeung usum tiis henteu handap teuing.[1] Tapi Hélsinki masih ngalaman peuting anu kacida lilana waktu usum tiis jeung siang anu panjang waktu usum panas.[1] Sakumaha nagara-nagara di Eropa beulah kalér, waktu usum panas, sabagéan gedé wargana usaha satékah polah ngamangpaatkeun cahya panonpoé saloba-lobana keur moé atawa ngalakukeun kagiatan sapopoé di luar ruangan saperti taman kota jeung tempat umum lainna.[1] Di taman kota, warga lokal bakal ngumpul bari balakécrakan botram, panggih jeung babaturanana sarta kulawargana.[1] Dina usum panas di ieu taman kota bakal loba anu ngajual kadaharan jeung és krim sarta seniman jalanan anu mintonkeun kaahlian maranéhanana keur para pangunjung sacara haratis.[1]