J-Rocks

Ti Wikipédia, énsiklopédia bébas
Loncat ke navigasi Loncat ke pencarian
J-Rocks

J-Rocks nyaéta grup musik asal Jakarta, Indonesia nu nyokot aliran Japanese pop/rock.[1] Dibentuk tanggal 9 November 2003.[1] Anggotana nyaéta Iman minangka vokalis, Sony minangka gitaris, Wima minangka basis, jeung Anton saluki drummer.[1]
Mimitina mah ieu band téh ngaranna J-Rockstars.[2] Hurup J dihareupeun kecap Rockstar bisa dihartikeun Jepang alatan Wima saparakanca maénkeun Japanese pop/rock music, Jakarta alatan asal ieu band ti Jakarta, sarta bisa ogé dihartikeun jujur lantaran maénkeun musik nu bener-bener dipikaresep ku sakabéh personil J-Rocks.[2] Ngaran J-Rockstars ahirna mah disingget jadi J-Rocks.[2] Ngaran J-Rockstars dijadikeun istilah pikeun fans J-Rocks (biasana mah disingget jadi JRS).[2]
Awal taun 2004, J-Rocks jadi pinunjul dina féstival musik Nescafe Get Started 2004 nu disponsoran ku Trans TV, jeung Aquarius Musikindo.[2] ti dinya, J-Rocks nyieun albeum kompilasi Nescafe Get Started nu mangrupa awal gawé bareng J-Rocks jeung Aquarius Musikindo.[2] Albeum munggaranana kaluar taun 2005 kalawan judul Topeng Sahabat.[1][2] Ieu band beuki kasohor sanggeus albeum kaduana Spirit kaluar sarta maénkeun rupa-rupa aliran musik saperti Rock’n Roll (Juwita Hati), Waltz / Victorian (Tersesal), Symphonic Metal (Aku Harus Bisa), blues, klasik, jeung sajabana.[1][2]
Taun 2008, J-Rocks meunangkeun A Mild Live Soundrenaline 2008“.[2] Alatan hal éta, J-Rocks jadi band Indonésia nu munggaran rékaman di studio legendaries Abbey Road, di Inggris.[2] Ti mimiti taun 2008, J-Rocks mimiti maké kostum batik kalawan désain modéren tapi dangdanan ala Harajuku.[2]

Referensi[édit | édit sumber]

  1. a b c d e J Rocks (Diakses tanggal 3 Desember 2011) (id)
  2. a b c d e f g h i j k Profil J-Rocks (Diakses tanggal 3 Desember 2011) (id)


Musical notes.svg