Kapur tulis

Ti Wikipédia Sunda, énsiklopédi bébas
(dialihkeun ti Kapur Tulis)
Ngagambar gurat ku kapur tulis dina bor
Ngagambar gurat nu pegat ku kapur tulis dina bor

Kapur tulis asalna tina kapur nu dijieun tina apu nu lemes pisan, ilaharna di Sunda nu disebut kapur téh nu sok dipaké sapopoé nulis dina bor nu sok di sebut kapur tulis.[1] Apu tina kapur tulis sabenerna asalna tina sato.[2] Perairan samudera téh katutup ku sagala rupa wangun tutuwuhan sarta sasatoan anu pohara leutik.[2] Salah sahijina nyaéta sato bersel hiji anu dingaranan "foraminifera". Kerangka-kerangka ti mahluk-mahluk ieu dijieun tina kapur.[2]

Sabot sato-sato ieu paéh, kerangka-kerangka maranéhanana anu pohara leutik tikerelep ka dasar samudera.[2] Geus lila, lapisan kandel ti kerangka-kerangka ieu ngabentuk.[2] Tangtu waé prosés ieu merlukeun waktu jutaan taun.[2] Lapisan ieu sacara lalaunan jadi tersementasi sarta mundel, sarta jadi batu kapur nu beyé anu dingaranan kapur tulis.[2]

Sagala rupa gangguan di bumi mindeng ngabalukarkeun lumangsungna daratan nu garing di daratan saméméhna kakeueum cai.[2] Salah sahiji ti tempat-tempat di mana hal ieu lumangsung nyaéta sapanjang Kanal Inggris.[2] Lapisan-lapisan sagara kadorong ka luhur.[2] Saterusna bagian-bagian anu beyé kakikis ku cai sarta ninggalkeun karang-karang kapur raksasa.[2] Dua karang kapur anu kawentar nyaéta karang-karang kapur anu aya di kanal anu ngawatesan Inggris di Dover sarta Perancis di Dieppe.[2]

Rujukan[édit | édit sumber]

  1. Danadibrata,R.A.2006.Kamus Basa Sunda.Bandung:Kiblat Buku Utama
  2. a b c d e f g h i j k l (id) Leokum, Arkady(1997) Aku Ingin Tahu Jilid 1 Jakarta:Quality Press