Ki urat

Ti Wikipédia Sunda, énsiklopédi bébas
(dialihkeun ti Ki Urat)
Ki Urat
Klasifikasi ilmiah
Karajaan:
Divisi:
Kelas:
Ordo:
Kulawarga:
Génus:
Spésiés:
P. major
Ngaran binomial
Plantago major

Ki-urat, Ki Urat, atawa Ceuli Uncal (Plantago major) nyaéta hiji spésiés Plantago, kulawarga Plantaginaceae, pituin Éropa jeung Asia tengah jeung kalér[1][2][3], ngan di mana-mana geus dinaturasi, antukna geus dianggap tutuwuhan liar biasa[4].[5]

Ki Urat téh tutuwuhan terna taunan, ngarandakah kalawan diaméter 15–30 cm. Daunna lonyod, ukuran panjang 5–20 cm sarta lébar 4–9 cm, tapi kadang bisa nepi ka 30 cm panjang/17 cm rubak; urat daunna aya 5-9. Kembangna leutik, kelirna coklat semu héjo, kalawan benang sari kelir bungur[3][6].[7]

Ki Urat kabagi kana tilu subspésiés:[2]

  • Plantago major subsp. major.
  • Plantago major subsp. intermedia (DC.) Arcang.
  • Plantago major subsp. winteri (Wirtg.) W.Ludw.
Kembang ki urat

Ékologi[édit | édit sumber]

Ki urat bisa tumuwuh sampurna dina taneuh anu padet/teuas, antukna sok katempo liar di sisi jalan, trotoar, jeung sisi témbok. Sok komo ari dipakébonan mah, alatan penyerbukanana dibantuan ku angin[6].

Mangpaat[édit | édit sumber]

Siki kiurat biasa kapanggih dina séréal, sabab di kebon-kebon ieu tutuwuhan téh ngagalaksak[4]. Di bawa ka Amérika Kalér nalika kolonisasi ku bangsa Éropa. Urang Amérika pituin nyebutna "Tapak Jalma Bulé", sabab aya di mana waé aya urang bulé[8].

Daun kiurat bisa didahar, utamana nu ngora, malah sok dipaké natambaan kasakit. Di antarana waé pikeun ngubaran tatu[9]. Kiurat dina basa Inggris, di antarana dipikawanoh maké sebutan Broadleaf Plantain, Broad-leaved Plantain, Cart Track Plant, Dooryard Plantain, Greater Plantago, Healing Blade, Hen Plant, Lambs Foot, Roadweed, Roundleaf Plantain, Waybread, Wayside Plantain, White Man's Foot[10].

Rujukan[édit | édit sumber]

  1. Natural History Museum: Plantago major Archived 2008-02-11 di Wayback Machine
  2. a b Flora Europaea: Plantago major
  3. a b Flora of Pakistan: Plantago major
  4. a b Germplasm Resources Information Network: Plantago major
  5. Heyne, K. (1913). De nuttige planten van Nederlandsch-Indië, tevens synthetische catalogus der verzamelingen van het Museum voor Technische- en Handelsbotanie te Buitenzorg. Museum voor Economische Botanie (Bogor, Indonesia): Batavia, Ruygrok. p. 173.  Disungsi20 Fébruari 2022
  6. a b Blamey, M. & Grey-Wilson, C. (1989). Flora of Britain and Northern Europe. ISBN 0-340-40170-2
  7. Damayanti, Dewi; Agung Sugiarto, Tinton Dwi Putra, Novi Widianti, Nina Wulan Dari (2008). Buku Pintar Tanaman Obat: 431 jenis tanaman penggempur aneka penyakit. Jakarta: AgroMedia. p. 103. ISBN 9789790061941. 
  8. Sauer, Leslie Jones (1998). The Once and Future Forest. Island Press. p. 49. ISBN 1559635533. 
  9. D. Jackson & K. Bergeron Plantain Alternative Nature Online Herbal
  10. *Britton, Nathaniel Lord; Addison Brown (1913). An Illustrated Flora of the Northern United States and Canada, Volume 3 (second edition ed.). Dover Publications, inc. p. 245. 

Tutumbu Kaluar[édit | édit sumber]