Laktosa

Wangun molekul laktosa.

Laktosa nyaéta gula nu aya dina susu (ku kituna katelah gula susu), kadarna 2–8% (dumasar beurat), béda-béda di unggal sato. Ngaran sistematisna β-D-galaktopiranosil-(1↔4)β-D-glukopiranosa. Laktosa bisa diékstrak tina dadih.

Kimia

Laktosa kaasup disakarida nu ngandung β-D-galaktosa jeung fragmén α/β-D-glukosa maké beungkeut β1-4 glikosida.

Kelarutan

Kelarutanana dina cai 18.9049 g (25 °C), 25.1484 g (40 °C), jeung 37.2149 g (60 °C) per 100 g larutan. Kelarutanana dina étanol 0.0111 g (40 °C) jeung (0.0270 g (60 °C) per 100 g larutan.

Katabolismeu laktosa

Anak mamalia nyusu ka indungna, susuna ngandung loba laktosa. Intestinal villus nyékrésikeun énzim nu katelah laktaseu (β-D-galaktosidaseu) pikeun nyerna ieu karbohidrat, ku cara megatkeun laktosa jadi dua sub-unitna: gula basajan glukosa jeung galaktosa anu bisa diserep. ku sabab laktosa mah lolobana aya dina susu, produksi laktaseu mamalia biasana nyirorot luyu jeung umurna.

Awak jalma-jalma turunan Éropa, Timur Tengah, India, jeung sawaréh Afrika Wétan biasana masih ngahasilkeun laktaseu nepi ka sawawa, ku kituna tara aya masalah nalika maranéhna nginum susu sapi, embé, jeung domba atawa katuangan turunanana. Jalma nu intoléran kana laktosa teu bisa loba teuing ngonsumsi laktosa, sabab awakna teu bisa nyerna laktosa. Balukarna bisa jadi mules, muncrut, jeung gangguan beuteung lianna.

Rujukan

• Lactose (dicutat 27 Agustus 2009)

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.