Linux Mint

Ti Wikipédia, énsiklopédia bébas
Jump to navigation Jump to search
Linux Mint

Linux Mint nyaéta hiji sistim operasi komputer nu dijieun ngagunakeun inti kernél Linux tur ngagunakeun pakakas jeung pustaka GNU[1]. Linux lain ngaran sistim operasi, Linux ngan saukur komponén software anu jadi sasak, ngabantuan hubungan antara aplikasi jeung data-data nu di prosés dina jero hardware[1]. Kernél nyaéta komponén inti tina hiji sistim operasi[1]. Linux mangrupa hiji kernél jadi can bisa disebut sistim operasi soalna sistim operasi butuh leuwih loba komponén ti batan kernél hungkul[1].

Ku sabab Linux Mint mibanda kernél Linux, Linux Mint disebut sistim operasi distribusi Linux[1]. Di dunya ieu, aya loba pisan jenis jenis distribusi Linux salian ti Linux Mint.[rujukan?] Linux Mint dimekarkeun tina distribusi Linux Ubuntu[2]. ku sabab éta, loba pakakas Linux Mint anu mirp jeung pakakas Ubuntu[2].

Linux mint dina pamakéan antarbeungeutna ngagunakeun Cinnamon jeung Maté.[rujukan?] Cinnamon disayogikeun pikeun komputer anu alanyar sedengkeun Maté disayogikeun pikeun komputer anu heubeul[2]. Salain Cinnamon jeung Maté, aya ogé KDÉ jeung Xfcé pikeun antarbeungeut Linux Mint na[2]. di antara sababaraha antarbeungeut nu aya, Cinnamon mangrupa antarbeungeut anu paling kakoncara[2]. Unggal vérsi anu dimekarkeun ku Linux Mint mibanda ngaran kode masing-masing.[rujukan?] Contona, Linux Mint versi 17.3 mibanda ngaran kode Rosa[3]. Linux Mint versi 17.2 mibanda ngaran kode Rafaela, jrrd[3].

Sajarah[édit | édit sumber]

Di taun 2006, Clement Lefebvre salah sahiji urang Prancis ngamimitian mekarkeun Linux Mint[1]. Saméméh ngamekarkeun Linux Mint, Clement kungsi nulis loba artikel ngeunaan réa-réa distribusi Linux[1]. Linux Mint nu dimekarkeun munggaran ku Clement dingaranan Ada[1]. Sababaraha bulan sanggeus mekarkeun Linux distro munggaranna, Clement mekarkeun Linux Mint vérsi anyarna nu dingaranan Barbara[1]. Dina vérsi Barbara ieu, loba anu mimiti resep kana Linux distro ieu[1].

Rujukan[édit | édit sumber]

  1. a b c d e f g h i j [A.F. Montoro.Linux Mint System Administrator's.Birmingham:Packt Publishing Ltd.,2012]
  2. a b c d e [J. LaCroix.Linux Mint Essentials.Birmingham:Packt Publishing Ltd.,2014]
  3. a b Linux Mint


Nulis.jpg