Méncrét

Ti Wikipédia, énsiklopédia bébas
Luncat ka: pituduh, paluruh
Bakteri Esch coli, salah sahiji bakteri anu ngabalukarkeun mencret

Méncrét atawa Diaré nyaéta gangguan nyerepna cai dina usus gedé nepi ka hampas kadaharan nu dikaluarkeun awak wujudna éncér.[1] Hiji jalma disebut méncrét lamun miceun leuwih ti tilu kali dina sapoé nu dibarengan parobahan fases jadi leyur atawa cair.[2] Ieu kaayaan bisa kaalaman ku sakabéh golongan umur. Ieu panyakit disebut kronis lamun karasana lumangsung leuwih ti 2 minggu.[1]

Sabab[édit | édit sumber]

Méncrét disababkeun ku sawatara faktor, di anatara inféksi saluran pencernaan, gangguan nyerep kadaharan, masalah dina psikologis kawas rasa sieun jeung hariwang, alérgi, tumor dina saluran pencernaan, lingkungan kotor, jeung ngonsumsi kadaharan atawa inuman nu ngbaruang, lada teuing, haseum, kotor, atawa atah kénéh.[1] Mikroorganisme anu mindeng ngalantarankeun diaré téh ngawengku virus (ti golongan rotavirus); baktéri ''Escherichia coli'', ''Vibrio cholerae'', ''Shigella sp'', ''Salmonella sp'', ''Clostridum difficille'', sarta Yersinia enterotilica, protozoa Giardia lambia, Entamoeba histolytica, sarta Cryptosporidium parvum, cacing ''Trichuris trichiura'' sarta Ascaris lumbricoides, sarta suung Candida albicans. Wangun feses nu ngarandapan diaré téh bisa nuduhkeun katérap ku mikroorganisme nu tangtu .[1] Mikroorganisme anu dimaksud bakal ngahasilkeun toksin atawa baruang anu ngrangsang peujit ngahasilkeun cairan.[1] Ieu hal ngabalukarkeun gerak peristaltik ngaronjat. Ku kituna, kaluarna feses jadi éncér jeung loba.[1] Ieu panyakit katangénna ampir sarua jeung panyakit koléra anu dibalukarkeun ku baktéri Vibrio cholerae.[1] Mikroorganisme anu ngainféksi sarta ngaruksak dingding peujit ngabalukarkeun kaluar leuleueur sarta getih dina feses anu dibarengan ku rasa mules.[1] Méncrét kawas kieu biasana dibalukarkeun ku baktéri ti genus ''Shigella''. Sajaba ti éta, inféksi mikroorganisme anu ngaruksak dingding peujit bisa ngurangan nyerep zat-zat kadaharan di jero peujit.[1] Pikeun ngaganti éta cairan, nu kaserang méncrét disarankeun nginum cairan oralit atawa geura-giru berobat ka dokter.[1]

Rujukan[édit | édit sumber]

  1. a b c d e f g h i j Syamsuri, I. ((2010) Biologi Jilid II Untuk SMA Kelas XI Semester 1. Jakarta: Erlangga. Kaca 34 Salah ngutip: Tanda <ref> tidak sah; nama "sumber1" didefinisikan berulang dengan isi berbeda
  2. (id) Syukur, Abdul. dkk. 2005. Ensiklopedia Umum untuk Pelajar. PT Ichtiar Baru Van Hoeve
Nulis.jpg