Marmot

Ti Wikipédia Sunda, énsiklopédi bébas

Marmot nyaéta sato nu asup kana Génus Marmotta, kulawarga Bajing (Sciuridae).[1] Ieu sato patali kénéh jeung bajing nu bisa ngapung, bajing tangkal, bajing taneuh, jeung anjing sampalan.[2] Marmot mangrupa ngaran umum pikeun bajing darat nu pangawakanana busekel, sukuna pendék, diurnal, jeung biasana buluna parondok.[2] Sato nu kaasup anggota marmot biasa hirup di daérah pagunungan kawas Rockies jeung Sierra Nevada di Amerika Sarikat, Alpen Eropa, jeung Kanada beulah kalér.[2] Kitu ogé,Groundhog Amérika kalér atawa woodchuck (Marmota monax) kaasup kana marmot ogé.[2]

Saperti lolobana kulawarga bajing, ieu sato miboga huntu hareup nu gedé jeung otot-otot rahang nu kuat jeung mekar .[2] Umumna, suku tukangna leuwih panjang tibatan suku hareup jeung boga opat atawa lima ramo dina unggal sukuna.[2]

Referensi[édit | édit sumber]

  1. (en)Marmot (diakses 6 Maret 2016)
  2. a b c d e f Milton, K. 1984. Family Sciuridae. Pages 612-623 in D. Macdonald (ed.), The Encyclopedia of Mammals. New York: Facts on File. ISBN 0871968711