Marmota olympus

Ti Wikipédia Sunda, énsiklopédi bébas
Loncat ke navigasi Loncat ke pencarian

Marmota olympus
My Friend the Marmot (4241532773) flipped.jpg
Status konservasi
Klasifikasi ilmiah edit
Missing taxonomy template (fix): Xerinae
Génus: Marmota
Subgénus: Marmota (Petromarmota)
Spésiés:
M. olympus
Ngaran binomial
Marmota olympus
(Merriam, 1898)
Distribution map
Range
Sinonim[2]

Arctomys olympus Merriam, 1898

Marmota olympus nyaéta spésiés marmot éndemik, anu ngan kapanggih di Pagunungan Olympic Washington, Amérika.[3] Status éndemik ieu spésiés ditangtukeun  ku Badan Législatif Nagara Bagian Washington taun 2009.[4][5][6]

Habitat[édit | édit sumber]

Marmota olimpic utamana hirup di wewengkon sub-alpin jeung padang jukut alpin kaasup lengkobna.[4][7] Mimitina kapanggih dina dataran luhun nu jangkungna 1.500 nepi ka 1.750 m, tapi geus kapanggih ogé dina dataran anu jangkunga 3 m nepi ka 1.990 m.[5] Ieu wewengkon ditandaan ku curah hujan anu gedé, rata-rata 75 cm dina sataun. Lolobana présipitasi taunan ragrag dina wangun salju.[4][7][6]

Déskripsi Awak[édit | édit sumber]

Marmot olympic rata-rata awakna leuwih gedé ti batan marmot biasa.[7][6] Umumna kira-kira leuwih panjang 7% batan Marmota caligata jeung Marmota vancouverensis.[8] Umumna némbongkeun bébédaan séksual, jaluna rata-rata 9,3 kg, ari bikangna 87.1 kg.[5] Beurat awakna bisa nandakeun éta marmot téh jalu atawa bikang. Lamun keur mangsa hibernasi salila usum tiris 7 nepi ka 8 bulan, unggal marmot bisa leungiteun beurat awakna nepi ka 50%.[5] Mangsa hudang tina hibernasi, marmot jalu nu geus sawawa beuratna rata-rata 4.1 g, ari bikangna rata-rata 3,1 kg.[4][5][6]

Buluna anu nutupan awakna aya dua rupa nyaéta bulu nu lemes jeung padet dina bagian handap (jero) bulu, kalawan gunana sangkan tetep haneut, sarta bulu nu leuwih heuras jeung carang di bagian luarna.[4][9] Ceulina, buntut, beungeut jeung sukuna ogé ditutupan ku bulu. Warna umumna coklat, nu sakapeung pacampur jeung bodas, tapi biasana mah poléngna séwang-séwangan baé.[10] Mang hudang tina hibernasi, buluna wana konéng atawa coklat.[4][10] Nu laleutik kénéh mah hawuk sem hideung, anu kumincir kénéh warnana hawuk semu coklat bari diseling ku pola poléng bulu anu pias. Marmot olympic baganti bulu dua kali dina sataun.[5][11] Nu kahiji dina bulan Juni, mangsa aya dua pola bulu hideung muncul dina taktakna, tuluy nyebar ka sakujur awakna Nu kadua, dina mangsa hibernasi.[4] Jadi dina mangsa usum semi, bakal hudang bari buluna téh semu péang. Sanajan marmot olympic méh sarua jeung marmot hoary jeung marmot Vancouver, tapi ari marmot hoary mah sukuna hideung jueng boga tanda hideung dina huluna, ari marmot vancouver sakujur awakna mph hideung kabéh.[5][9][12]

Kalakuan[édit | édit sumber]

Olympic Marmot 01.jpg

Marmot olympus sato anu sosialna gedé sarta hirup dina koloni anu umumna dieusian ku hiji jaul jeung 2 nepi ka 3 bikang, ditambahan ku anak-anakna, jeung marmot rumaja umur antara 1-2 taun.[13][14] Biasana lamun maranéhna papanggih sok disada nu tangtu nandakeun pikeun miwanoh unggal individu dina koloni.[13] Sora waktu papanggih éta béda jeung mangsa begér.[15] Kalakuan keur mikawanoh marmot séjénna mah biasana dimimitian ku napelkeun irung kana irung, atawa kana pipi.[15] Umumna kitu kabiasaanna téh, tapi marmot olympus mah dipikawanoh leuwih ti kitu, kalawan bisa nepi ka paantel huntu jeung ngégélan ceuli atawa beuheung.[16][17]

Ieu marmot téh kaasup sato diurnal, sarta pola aktivitasna rupa-rupa dina mangsa sataun, waktu dina sapoé, jeung cuaca.[18] Dina awal usum panas (bulan Mei), nu biasana diliput kénéh ku salju nu kandel, marmot olympus boga wewengkon husus pikeun néangan hakaneun.[13] Dina usum panas (bulan Juni-Agustus), marmot sawawa leuwih réa interaksi jeung individu séjénna dina waktu isuk jeung peuting, ari beurang mah lolobana mindeng di jero liang baé.[16] Dina bulan-bulan usum panas, marmot olympus biasana kurang aktif lamun keur hujan atawa hujan salju, atawa lamun aya pedut (kabut) anu kandel nutupan wewengkonna.[13] Kira-kira pertengahan bulan Séptémber, maranéhna asup kana liang jeung mimiti ngalakukeun hibernasi usum tiris, kurang leuwih keur 8 bulan lilana.[16][10][11]

Kabiasaan Nyatu[édit | édit sumber]

Olympic Marmot 02.jpg

Marmot olympus biasana ngahakan spésiés tutuwuhan anu kapanggih di sabudeureun tempat habitatna, upamana kembang lili (Erythronium montainum), sub-alpine lupine (Lupinus subalpinus), mountain buckwheat (Polygonum bistortoides), Arenaria capillaris jeung harebells (Campanula rotundifolia).[13][19] Sagigireun éta ngahakan pgé akar-akaran, kekembangan jeung jukut.[13] Sakapeung osok néangan ogé sato leutik nu geus paéh, biasana dina mangsa réa salju jeung tutuwuhan hésé ditéangan.[19][20] Pikeun nginumna, biasana marmot olympus ngandelkeun salju anu cair. Dina mangsa teu bisa manggihan ti nu kitu, bisa kénéh meunang cati tina tutuwuhan hakaneunana, atawa tina ciibun.[19]

Rujukan[édit | édit sumber]

  1. Cassola, F. (2016). "Marmota olympus". IUCN Red List of Threatened Species (IUCN) 2016: e.T42459A22257452. doi:10.2305/IUCN.UK.2016-2.RLTS.T42459A22257452.en. https://www.iucnredlist.org/species/42459/22257452. 
  2. Edelman, Andrew J. (2003-12). "Marmota olympus" (dalam bahasa en). Mammalian Species 736: 1–5. doi:10.1644/736. ISSN 0076-3519. https://academic.oup.com/mspecies/article-lookup/doi/10.1644/736. 
  3. "Marmota olympus (Olympic marmot)". www.uniprot.org. Diakses tanggal 2020-03-22. 
  4. a b c d e f g Barash, David P. (1989). Marmots : social behavior and ecology. Stanford, Calif.: Stanford University Press. ISBN 0-8047-1534-3. OCLC 19323048. 
  5. a b c d e f g Benton, Erin. "Marmota olympus (Olympic marmot)". Animal Diversity Web. Diakses tanggal 2020-03-21. 
  6. a b c d Edelman, Andrew (2003-01-01). "Marmota olympus". Mammalian Species 736: 1–5. doi:10.1644/736. https://www.researchgate.net/publication/232668087_Marmota_olympus. 
  7. a b c "NatureServe Explorer 2.0". explorer.natureserve.org. Diakses tanggal 2020-03-22. 
  8. Hall, Eugene Raymond (1981). The mammals of North America. Wiley. 
  9. a b "Olympic Marmot (Marmota olympus)". iNaturalist. Diakses tanggal 2020-03-22. 
  10. a b c Mrosovsky, Nicholas (2012-12-06). Hibernation and the Hypothalamus. Springer Science & Business Media. ISBN 978-1-4684-7176-2. 
  11. a b "Marmota olympus (Merriam, 1898)". www.gbif.org. Diakses tanggal 2020-03-22. 
  12. "Olympic Marmot". www.marmotburrow.ucla.edu. Diakses tanggal 2020-03-22. 
  13. a b c d e f "Olympic Marmot (Marmota olympus) | Encyclopedia of Puget Sound". www.eopugetsound.org. Diakses tanggal 2020-03-22. 
  14. Griffin, Suzanne Cox; Taper, Mark L.; Mills, L. Scott (2007). "Female Olympic Marmots (Marmota olympus) Reproduce in Consecutive Years". The American Midland Naturalist 158 (1): 221–225. ISSN 0003-0031. http://www.jstor.org/stable/4500650. 
  15. a b Barash, David P. (1970). The social biology of the Olympic marmot. University of Wisconsin--Madison. 
  16. a b c Edelman, Andrew J. (2003-12-18). "Marmota olympus" (dalam bahasa en). Mammalian Species (736): 1–5. doi:10.1644/736. ISSN 0076-3519. https://academic.oup.com/mspecies/article/doi/10.1644/736/2600505. 
  17. "Olympic Marmot (Marmota olympus)". iNaturalist. Diakses tanggal 2020-03-22. 
  18. North American Fauna. Fish and Wildlife Service. 1915. 
  19. a b c Angeles, Mailing Address: 600 E. Park Avenue Port; Us, WA 98362 Phone:565-3130 Contact. "Olympic Marmot - Olympic National Park (U.S. National Park Service)". www.nps.gov. Diakses tanggal 2020-03-22. 
  20. Barash, David P. (1989). Marmots : social behavior and ecology. Stanford, Calif.: Stanford University Press. ISBN 0-8047-1534-3. OCLC 19323048.