Munara Pétronas

Ti Wikipédia, énsiklopédia bébas
Jump to navigation Jump to search


Munara Kembar Pétronas, Kuala Lumpur, Malaysia

Munara Pétronas atawa Munara Kembar Pétronas (basa Malaysia: Menara Berkembar Petronas) di Kuala Lumpur nyaéta sapasang munara kembar anu kungsi robah wangunan pangluhurna di dunya dina taun 19982004, saméméh diliwatan ku Taipei 101. Tapi ieu munara robah jadi gedong kembar pencaar langit pangluhurna di dunya dina abad ka-20.[1]

Ieu munara dianggap minangka salah sahiji arsitektur dunya anu ahéng. Diwangun tina gabungan rangka waja jeung kaca anu jangkungna kurang leuwih 452 méter. Rarancang wangunan ieu didominasi arsitektur Islam sarta dipinuhan ornamén anu kentel ku budaya Malaysia. Ku kituna, ieu munara téh disebut perpaduan dua dunya, kulon jeung wétan.[2]

Struktur wangunan munara ieu diwangun tina 65.000 méter pasagi waja anti karat sarta 77.000 méter pasagi kaca anti silau. Dua munara ieu dihubungkeun ku Skybridge anu diwangun ku dua tingkat nu panjangna 58,4 méter. Luhurna ieu rawayan téh 170 méter ti dasar gedong.[2]

Lamun ditingali ti luhur, sapasang Munara Pétronas ieu mintonkeun wangun-wangun masagi anu nyieun bentang sagi dalapan. Nurutkeun César Pelli, nu ngararancangna, wangun kitu téh kawas ngagambarkeun usaha éta gedong keur ngahontal langit.[2]

Rujukan[édit | édit sumber]

  1. Council on Tall Buildings and Urban Habitat preamble to High Rise Database: other measurements of height"
  2. a b c Anonim. 2006. My First Cartoonal EncylopeBee Around The World Amazing Stories of Great Building Book One Asia. Jakarta: Pustaka Lebah.