Musieum Kota Bandung
Musieum Kota Bandung nyaéta musieum anu diresmikeun ku Wali Kota Bandung, Oded M Danial dina kaping 31 Oktobér 2018. Lokasina aya di Jalan Aceh Nomor 47. Arsitéktur wangunan ini kelirna warna bodas jeung miboga aksén kawas dina zaman Walanda.[1]
Sajarah[édit | édit sumber]
Frobélschool[édit | édit sumber]
Baheulana, wangunan ieu téh Frobélschool atawa taman kanak-kanak anu diwangun dina zaman kolonial Walanda. Sanajan wangunan éta tos janten milik pamaréntah Kota Bandung, arsitékturna masih kénéh sarua jeung aslina dina zaman baheula.[1]
Wangunan heubeul Musieum Kota Bandung didirikeun dina taun 1920 salaku Frobelschool (Sekolah Taman Kanak-Kanak) anu dipiboga ku Loge Sint Jan, kelompok Vrijmetselarij di Bandung. Kelompok éta didirikeun di Bandung dina kaping 23 Nopémber 1880. Mimitina, Loge Sint Jan ngabuka Frobelschool ku cara nginjeum wangunan Paseban di Pendopo Kabupatén Bandung dina taun 1898. Teras Loge Sint Jan ngumpulkeun dana, ku sabab éta aranjeunna miboga gedong sorangan anu lokasina dina seberang gedong Loge Sint Jan (ayeuna janten Masjid Agung Al Ukhuwwah). Frobelschool mimitina ngan aya 13 murid, teras dina taun 1920, boga 290 murid (112 jalma Éropa jeung 178 jalma pribumi). Dina taun 1920, Frobelschool nempatan wangunan anyar di Atjehstraat (ayeuna Jalan Aceh). Wangunan Frobelschool anu aya dina seberang gedong Loge Sint Jan badé dipaké pikeun kantor tambihan di Gementee Huis (Balé Kota Bandung ayeuna). Ku sabab éta, Frobelschool ngalih ka Atjehstraat (ayeuna Jalan Aceh). Wangunan jeung lahanna dipasihan ku pamaréntah Kota Bandung. Dina zaman Jepang, kagiatan Frobelschool jeung Freemasonry eureun. Dina taun 1962, pamaréntah Indonésia mutuskeun yén organisasi Freemasonry teu kenging beroperasi, teras wangunan jeung asét-asétna dinasionalisasi ku pamaréntah.[1]
Gedong Dinas Pemuda dan Olah Raga Kota Bandung[édit | édit sumber]
Wangunan ieu janten milik pamaréntah provinsi Jawa Barat, teras dimangpaatkeun janten Sakola Atikan Olah Raga jeung Gedong KONI. Dina kaping 22 Januari 2013, wangunan éta dihibahkeun ka pamaréntah Kota Bandung, teras digunakeun ku Dinas Pemuda dan Olah Raga Kota Bandung (ayeuna kantorna ngalih ka Jalan Tamansari).[1] Bekas wangunanana teras digunakeun pikeun Asrama Pusat Pendidikan dan Latihan Olah Raga Pelajar.[2]
Musieum Kota Bandung[édit | édit sumber]
Dina taun 2018, Gedong bekas Asrama Pusat Pendidikan dan Latihan Olah Raga Pelajar janten Musieum Kota Bandung. Ku sabab wangunan ieu kaasup wangunan Cagar Budaya Kelas A Nomor 19 taun 2009 dumasar kana kaputusan pamaréntah Kota Bandung, arsitéktur anu kungsi dirobah di ditu di dieu, tungtungna diréstorasi deui ka wujud aslina.[1]
Musieum Kota Bandung diresmikeun pikeun ngalestariken jeung ngawanohkeun budaya anu janten ciri khas kahirupan masarakat di Bandung. Data-data anu dikempelkeun mangrupa poto jeung video dicandak ti perpustakaan nasional, arsip nasional, arsip ti perpustakaan KITLV (Koninklijk Instituut voor Taal-, Land- en Volkenkunde) di Leiden, Walanda jeung Colletive Tropenmuseum Walanda, jeung sumber-sumber nu sanés.[3]
Konsép musieum digagas dina taun 2015 ku Hermawan Rianto salaku pamingpin Musieum Kota Bandung basa éta.[4] Konsépna nyaéta ngahijikeun unsur tradisional jeung modérn. Informasi ngeunaan musieum disayogikeun ngagunakeun pakakas téhnologi supados anu nganjang ka musieum teu ngarasa bosen.
Rohangan[édit | édit sumber]
Aya dua rohangan dina musieum ieu nyaéta wangunan cagar budaya anu kaasup aréa pikeun pangunjung musieum. Dina rohangan éta, tamu musieum tiasa ningal sajarah mimiti Kota Bandung, kajadian-kajadian penting di Bandung anu aya patalina jeung perjuangan ngarebut kamerdékaan, jeung kajadian-kajadian di Bandung saangeus kamerdékaan.[5] Sementawis éta, rohangan nu kadua konsépna ngagabungkeun unsur tradisional jeung modern, sapertos nu geus disebat di luhur. Aya rohangan multimédia, jeung artéfak. Tampilan musieum rék dijieun sacara tématik.[3][4]
Rujukan[édit | édit sumber]
- ↑ a b c d e Maulana, Adi Ginanjar. "Mengenal Sejarah Bangunan Lama Museum Kota Bandung - Ayo Bandung". Mengenal Sejarah Bangunan Lama Museum Kota Bandung - Ayo Bandung (dalam Indonesian). Diakses tanggal 2023-12-02.
- ↑ Katam, Sudarsono (2014). Gementee Huis (Balaikota) Bandung. Bandung: PT Kiblat Buku Utama. p. 127. ISBN 978-979-8003-43-1.
- ↑ a b Agustin, Astrid. "Museum Kota Bandung : Sebuah Konsep Menceritakan Sejarah Di Era Digital | infobdg.com" (dalam en-US). Diakses tanggal 2023-12-02.
- ↑ a b Ispranoto, Tri. "Mengenal Sejarah 'Paris van Java' di Museum Kota Bandung". detiknews (dalam id-ID). Diakses tanggal 2023-12-02.
- ↑ "Museum Kota Bandung : Sebuah Konsep Menceritakan Sejarah di Era Digital". Citakan:ISO date/fr2. https://www.infobdg.com/v2/museum-kota-bandung-sebuah-konsep-menceritakan-sejarah-di-era-digital/. Diakses pada 26 November 2023