Masjid Agung Al-Ukhuwwah

Ti Wikipédia Sunda, énsiklopédi bébas
Loncat ke navigasi Loncat ke pencarian

Masjid Agung Al-Ukhuwwah nyaéta salah sahiji masjid agung nu aya di Kota Bandung. Masjid ieu lokasina teu jauh tina Balai Kota Bandung, tepatna di Jalan Wastukencana No. 27.

Sajarah[édit | édit sumber]

Sajarah pangwangunan masjid ieu kaitung miboga sajarah nu panjang, lantaran lokasi nu ayeuna jadi masjid téh, saméméhna pernah diwangun dua wangunan anu beda. Pas zaman panjajahan bahéula, lokasi masjid ieu pernah anceg wangunan gedong nu dijadikeun tempat pakumpulan kaum nu miboga idéologi Freemason. Tapi sanajan pakumpulan kaum Freemason, gedong ieu kaasup gedong anu sepi jeung geueuman, ku sabab ngan dipaké ti wanci peuting wungkul. Ku kituna ku masarakat satempat mah, gedong ieu di landih "Gedong Loge Sint Jan" nu hartina "Rumah Hantu"[1] . Gedong ieu diwangun taun 1896, kalebet ka loge ka-13 ogé salah sahiji loge anu panggedena di Hindia Walanda[2]. Gedong ieu mulai digunakeun taun 1901 jeung umumna digunakeun kanggo kagiatan pendidikan saréng sosial[3]

Dina Mangsa kamardékaan, taun 1960 an Gedong Loge Sint Jan dibongkar diratakeun jeung taneuh. Teu aya alesan jelas anu ngadukung pembongkaran ieu, namun aya patali ogé saréng pelarangan organisasi Freemasonry ku Présidén Soekarno[4]. Akhirna gedong Loge Sin Jan nu kurang leuwih anceg salama 60 taun rata jeung taneuh.[1]

Teu lila ti ratana Gedong Loge Sin Jan, di wangun gedong nu katelah Graha Pancasila. Gedong ieu biasa dipaké pikeun tempat ngariung, pameran nepikeun tempat sékretariat Wanadri. Dina arsitektur wangunan Gedong Graha Pancasila iéu mibanda arsitektur nu beda. Dina gedong Loge sin Jan wangunan leuwih ramping tempat parkir kaitung lega, beda jeung wangunan Graha Pancasila nu lebar ka gigir nyebabkeun parkiran leuwih leutik tibatan gedong Loge Sin Jan.[1] Di taun 90an, Graha Pancasila dibongkar kanggo pangwangunan Masjid Al Ukhuwwah.

Proses pangwangunan Masjid Al Ukhuwwah lumangsung dina dua taun, ti taun 1996-1998. Pangwangunan ieu didanaan ngagunakeun anggaran ti Pamaréntah Kota Bandung jeung Pamaréntah Provinsi Jawa Kulon[1].

Wangunan jeung Arsitéktur[édit | édit sumber]

Wangunan[édit | édit sumber]

Masjid Al Ukhuwwah cindekna di Jalan Wastukencana No. 27 Kota Bandung. Numutkeun data ti Direktorat Urusan Agama dan Pembinaan Syariah Direktorat Jendral Bimas Islam Kementrian Agama Republik Indonesia, masjid ieu ngagaduhan lega 5.000 m² tur bisa nampung 1.000 jamaah[5].

Arsitéktur[édit | édit sumber]

Masjid Al Ukhuwwah ieu dirancang ku arsitek Ir. Keulman. Dinding bagian hareup masjid dihias ku ornamén héjo ayat-ayat Al Qur'an. Di bagian téngah dinding hareup aya mihrab marmér anu dihias ku kaligrafi surat Al Fatihah. Di samping éta, di bagéan langit-langit masjid ngagaduhan lampu gantung badag jeung kaca anu ngabantuan penerangan dina siang hari. Tepat di langit-langit masjid, aya ogé konstruksi besi anu nyangga bagéan atap masjid. Salah sahiji kaunikan Masjid Al Ukhuwwah nyaéta teu ayana penyangga di téngah ruang utama masjid. Tiang penyangga masjid ngan aya di bagian pojok keur nyangga lantai 2 masjid[4].

Rujukan[édit | édit sumber]

  1. a b c d "Riwayat Masjid Ukhuwah, dari Gedung Freemason hingga Pancasila". SINDOnews.com (dalam id-ID). Diakses tanggal 2019-09-01. 
  2. Suriyanto. "Dulu 'Rumah Setan' Freemasonry Kini Rumah Tuhan". nasional (dalam id-ID). Diakses tanggal 2020-02-18. 
  3. Shafitri, Dony Indra Ramadhan, Reta Amaliyah. "Sejarah Masjid Al Ukhuwah: Dulu Disebut 'Gedung Setan' Freemason". detikTravel (dalam Indonesian). Diakses tanggal 2020-02-18. 
  4. a b Nidiapraja, Agithyra. "Kisah Gedung Setan di Bandung, Sekarang Jadi Masjid Cantik". detikTravel (dalam Indonesian). Diakses tanggal 2020-02-18. 
  5. "Sistem Informasi Masjid Seluruh Indonesia | PROFIL MASJID/MUSHALLA". simas.kemenag.go.id. Diakses tanggal 2020-02-18.