Qur'an
 Artikel ieu salasahiji tina séri Islam |
| Istilah-istilah Islam |
| Rukun Islam |
| Sahadat |
| Solat – Saum |
| Zakat – Haji |
| Kota Penting |
| Mekah – Madinah |
| Yerusalem – Kufah |
| Kajadian |
| Hijrah – Kalénder Islam – Idul Fitri |
| Idul Adha – Maulid |
| Wangunan |
| Masjid – Munara |
| Mihrob – Ka'bah |
| Arsitéktur Islam |
| Rujukan Ajaran |
| Qur'an – Hadits – Sunnah |
| Fiqih – Fatwa – Syari'ah |
| Madhab |
| Hanafi, Hambali, Maliki, Syafi'i |
Al Qur'ān [1] (basa Arab: القرآن al-qurʼān, sacara harfiah hartina "bacaan"; disebut ogé al-qurʼān al-karīm "Al Qur'an nu Mulya"; ogé ditransliterasikeun minangka Quran, Koran (istilah tradisional di Inggris), jeung Al-Quran), nyaéta téks rélijius séntral dina ajaran Islam. Muslim percaya yén Al Qur'an mangrupa kecap harfiah ti Gusti (basa Arab Allah) nu diwahyukeun ka Nabi Muhammad ﷺ, salila 22 taun, 2 bulan 22 poé ngaliwatan perantara malaikat Jibril sarta mangrupa wahyu pamungkas ti Gusti Allah pikeun umat manusa. Qur'an nyaritakeun kajadian-kajadian picontoeun dina sajarah manusa, utamana ngeunaan para nabi saméméh Muhammad kayaning Nuh, Adam, Ibrahim, Musa, Isa, jeung nu séjénna.
Muslim ogé nyebut Al Qur'an minangka "Wasiat Pamungkas", "Kitab", "Kitab Gusti Allah" sarta "Wahyu."
Étimologi
[édit | édit sumber]Dina tata basa Arab, kecap "qur'an" mangrupa masdar (kecap barang verbal) tina kecap gawé basa Arab قرأ qoro'a ("maca" atawa "nyaritakeun"[2][3]. Kecap ieu digunakeun dina Al Qur'an sorangan minangka istilah keur Al Qur'an, misalna dina Q.S 12:2:
- Satemenna kami nurunkeunana (ayat-ayat kitab) mangrupa Qur'an dina basa Arab, ngarah aranjeun ngarti.
Format Al Qur'an
[édit | édit sumber]
Al Qur'an eusina aya 114 surat kalawan total 6236 ayat.
Apalan Al Qur'an
[édit | édit sumber]Kecap Qur'an ogé biasana ditarjamahkeun minangka "apalan," nu nunjukkeun yén Qur'an lain ngan saukur téks, tapi ogé geus ditepikeun sacara lisan di sagédéngeun ngaliwatan téks.
Pikeun ngalengkepan sampurnana solat, mangrupa kawajiban dina Islam, nyaéta nyaratkeun ngapal saeutikna sababaraha surat dina Al qur'an (biasana dimimitina ku surat kahiji, Al Fatihah, dituluykeun ku maca surat séjénna). Saméméh bisa maca Al Fatihah, hiji Muslim bisa maca "pupujian keur Alloh" salila solat.
Jalma anu apal sakabéh bacaan Al Qur'an disebut qori' (قَارٍئ) atawa hafiz (nu berurutan hartina "nu apal" atawa "nu ngajaga"). Nabi Muhammad mangrupa hafiz pertama. Tilawah تلاوة Al Qur'an mangrupa kasenian nu hadé di dunya Muslim.
Tapsir Qur'an
[édit | édit sumber]Pitulung pangpentinga dina napsirkeun harti ayat-ayat Qur'an nyaéta Hadits - kumpulan tradisi Islam (kagiatan jeung sasanggeman Nabi Muhammad). Élmu isnad tumuwuh dina mangsa munggaran abad Hijriyah, nu usaha ngagolongkeun sasanggeman/béja hadits dumasar bisa henteu dipercayana jalma nu nepikeun hadis. Tapsir Qur'an satuluyna tumuwuh jadi hiji élmu mandiri nu disebut élmu tapsir. Di antaran élmuwan nu kawentar nyaéta Tabari, Zamakhshori, Turmudhi, Ibn Kathir.
Jinis-jinis Tapsir
[édit | édit sumber]Al-Sayyid Muhammad 'Ali Aayazi dian kitabna Al-Mufassirun ngabagi tapsir jadi sasabaraha rupa, nyaéta:
- Kutubu Tafsir al-Fuqaha (kitab-kitab tafsir ahli fikih)
- Tafasir 'ala Hasbi Tartib al Nuzul (tapsir numutkeun kana tartib turunna ayat al-Qur'an)
- Kutubu al-Tafsir bi al-Ma'tsur (kitab-kitab anu dumasar kana ayat al-Qur'an ditapsirkeun kana ayat al-Qur'an, ayat al-Qur'an ditapsirkeun kanu hadis, jeung ayat al-Qur'an ditapsirkeun dumasar kana riwayat sahabat)
Struktur jeung Babagian
[édit | édit sumber]Al-Qur'an (ᮃᮜ᮪-ᮋᮥᮁᮇᮔ᮪) diwangun ku sababaraha unit babagian anu disusun sacara sistematis. Ieu di handap mangrupakeun statistik sarta babagian utama dina Al-Qur'an dumasar kana standar Mushaf Al-Madinah sarta Mushaf Standar Indonésia:
Statistik Utama
[édit | édit sumber]- Surah: Al-Qur'an ngawengku 114 surah. Surah pangpanjangna nyaéta Al-Baqarah (286 ayat) sarta anu pangpondokna nyaéta Al-Kautsar (3 ayat).[4]
- Ayat: Dumasar kana riwayat Hafsh ti Imam Ashim (anu loba dipaké di dunya Islam), jumlah ayatna nyaéta 6.236 ayat.[5]
- Kecap jeung Hurup: Al-Qur'an ngawengku kira-kira 77.439 kecap sarta 323.015 hurup.[6]
Babagian Administratif
[édit | édit sumber]Pikeun ngagampangkeun dina maca sarta ngapalkeun, para ulama ngabagi Al-Qur'an kana sababaraha bagian:
- Juz: Al-Qur'an dibagi jadi 30 juz anu méh sarua panjangna.
- Hizb: Unggal juz dibagi jadi dua bagian anu disebut hizb (totalna aya 60 hizb).
- Manzil: Dibagi jadi 7 manzil pikeun tujuan namatkeun (khatam) bacaan dina saminggu.
- Ruku': Aya 554 ruku' anu mangrupakeun tanda eureun dumasar kana téma atawa carita dina ayat.[4]
Kategori Surah
[édit | édit sumber]Surah-surah dina Al-Qur'an sacara gurat badag dibagi dumasar kana mangsa lungsurna (saatos atanapi sateuacan Hijrah):
- Surah Makkiyah: Surah anu lungsur sateuacan Nabi Muhammad SAW hijrah (kira-kira 86 surah). Unina ilaharna pondok sarta ngabahas ngeunaan tauhid.
- Surah Madaniyah: Surah anu lungsur saatos Nabi Muhammad SAW hijrah (kira-kira 28 surah). Unina ilaharna panjang sarta ngabahas ngeunaan hukum jeung kamasarakatan.[5]
Statistik Kecap
[édit | édit sumber]Dumasar kana analisis linguistik digital, Al-Qur'an miboga kabeungharan kecap anu kacida éndahna. Aya sababaraha kecap anu mindeng pisan disebut (frekuensi luhur) anu janten puseur ma'na dina ayat-ayatna. Ieu di handap mangrupakeun sababaraha kecap anu paling sering muncul dina Al-Qur'an:[7]
| No | Kecap (Transliterasi) | Aksara Arab | Hartosna (Basa Sunda) | Jumlah (Kira-kira) |
|---|---|---|---|---|
| 1 | Allah | ٱللَّه | Allah | 2.699 kali |
| 2 | Min | مِنْ | Ti / Tina | 3.226 kali |
| 3 | Mā | مَا | Naon / Anu / Henteu | 2.126 kali |
| 4 | Inna | إِنَّ | Saéstuna | 1.533 kali |
| 5 | Alladhī | ٱلَّذِى | Anu (Nu) | 1.010 kali |
| 6 | Lā | لَا | Henteu / Ulah | 812 kali |
| 7 | Qul | قُلْ | Ucapkeun / Pok téh | 332 kali |
Sajaba ti kecap-kecap di luhur, kecap pagawéan (fi'il) anu panglobana kapanggih nyaéta tina akar kecap Q-W-L (ngucap/nyarita) sarta K-W-N (aya/kajadian). Hal ieu némbongkeun yén Al-Qur'an mangrupakeun wahyu anu sifatna komunikasi langsung ti Gusti Allah ka umat-Na.[6]
I'jazul Qur'an
[édit | édit sumber]I'jazul Qur'an (ᮄᮍ᮪ᮏᮏᮥᮜ᮪ ᮋᮥᮁᮇᮔ᮪) hartosna sipat Al-Qur'an anu miboga kamulyaan sarta kaajaiban anu teu tiasa ditiron ku manusa atanapi jin. Ieu konsép janten dasar kaimanan yén Al-Qur'an téh murni wahyu ti Gusti Allah, sanés karangan manusa (Nabi Muhammad SAW).[8]
Aya sababaraha aspék utama anu janten tanda kaajaiban Al-Qur'an:
1. Kaajaiban Basa (I'jazul Lughawi)
[édit | édit sumber]Al-Qur'an lungsur dina mangsa urang Arab nuju aya dina puncak kajayaan sastra sarta syair. Sanajan kitu, gaya basa Al-Qur'an béda pisan jeung syair (sajak) atanapi prosa biasa.
- Tantangan Al-Qur'an: Al-Qur'an nangtang saha waé anu cangcaya pikeun nyieun hiji surah anu saderajat jeung Al-Qur'an (QS. Al-Baqarah: 23), nanging dugi ka ayeuna teu aya hiji ogé ahli sastra anu tiasa niron.[9]
- Pilihan Kecap: Unggal kecap dina Al-Qur'an miboga posisi anu presisi sarta harti anu jero, boh tina sisi rima (sora) boh tina sisi balaghoh (kaéndahan harti).
2. Isyarat Ilmiah (I'jazul 'Ilmi)
[édit | édit sumber]Al-Qur'an nyabit-nyabit sababaraha fénoména alam anu kakara kabuktian ku sains modéren dina abad ka-20. Ieu némbongkeun yén sumberna asalna ti Nu Maha Nyipta. Sababaraha contona nyaéta:
- Embriologi: Tahapan tumuwuhna janin dina rahim (QS. Al-Mu'minun: 12-14).
- Siklus Cai: Prosésna hujan sarta awan (QS. An-Nur: 43).
- Lautan: Ayana dua laut anu panggih tapi caina teu campur alatan ayana béda kadar uyah (QS. Ar-Rahman: 19-20).[10]
3. Warta Gaib sarta Sajarah
[édit | édit sumber]Al-Qur'an ngandung berita ngeunaan hal-hal anu bakal kajadian di mangsa hareup sarta carita-carita nabi baheula anu detilna akurat pisan.
4. Konsistensi sarta Autentisitas
[édit | édit sumber]Sanajan lungsur sacara bertahap salila kira-kira 23 taun, Al-Qur'an teu miboga pertentangan (kontradiksi) di jerona (QS. An-Nisa: 82). Al-Qur'an ogé dijaga ku sistem hafalan (tahfidz) ku jutaan umat Islam di sakuliah dunya, sahingga eusina moal tiasa dirobah sahurup ogé nepi ka ahir jaman.[11]
Kalobaan ulama tauhid ngayakinkeun yén al-quran téh kalam Alloh nu tangtos sanes mahluk jeung moal ruksak (abadi),sabab al-quran téh dawuhan Alloh, jeung ari ngadawuh téh éta salah sahiji sifat Allah (kalam). Lamun sifat Alloh teu abadi, tangtu dzat Alloh gé teu abadi, sedengken lamun Alloh teu abadi éta mustahil. ku lantaran kitu kaharti ku akal yén sifat Alloh nu ieu (ngadawuhna Alloh) mustahil ruksak, ku lantaran mustahil ruksak, atuh jelas yén al-quran téh lain mahluk. Ngeunaan ieu pendapat kungsi dibabarkeun ka ahli filsafatna Yunani, utamana téori-téori Plato yén sakabéh nu nyata jeung nu bener teu kawates tangtos abadi jeung moal matak robah.
Tempo ogé
[édit | édit sumber]- Alloh
- Islam
- Muhammad
- Muadz bin Jabal
- Ngabandingkeun Bibel jeung Qur'an
- Qur'an jeung kaajaiban
- Qur'an jeung Sunnah
- Asal-usul jeung perkembangan Qur'an
- Maos Qur'an
- Hafiz
- Literalisme Qur'ani
- Surat dina Al Qur'an
- Ayat dina Al Qur'an
- Tafsir
- Istri dina Al Qur'an
- Jalmi-jlmi nu patali areng ayat Al Qur'an
- Aya ogé artikel ngeunaan masing-masing surat dina Al Qu'an. Klik kana nomer surat keur ningali artikelna.
Référénsi
[édit | édit sumber]- ↑ Arabic pronunciation
- ↑ BYU Studies, vol. 40, nomer 4, 2001. Kaca 52
- ↑ Lisan al-Arab Archived 2006-09-05 di Wayback Machine
- 1 2 "Lajnah Pentashihan Mushaf Al-Qur'an". Kementerian Agama Republik Indonesia. Diaksés tanggal 2026-03-31.
- 1 2 Al-Qattan, Manna' (1973). Mabahith fi Ulum al-Qur'an. Manshurat al-Asr al-Hadith.
- 1 2 Al-Suyuti, Jalaluddin. Al-Itqan fi Ulum al-Qur'an. Dar al-Fikr.
- ↑ "Quranic Lemma Statistics". The Quranic Arabic Corpus. Diaksés tanggal 2026-03-31.
- 1 2 Al-Qattan, Manna' (1973). Mabahith fi Ulum al-Qur'an. Manshurat al-Asr al-Hadith.
- ↑ Al-Suyuti, Jalaluddin. Al-Itqan fi Ulum al-Qur'an. Dar al-Fikr.
- ↑ Bucaille, Maurice (1976). The Bible, The Qur'an and Science. Seghers.
- ↑ "Al-Azhar Al-Sharif Portal". Al-Azhar. Diaksés tanggal 2026-03-31.
Alihbasa
[édit | édit sumber]- Arberry, A. J. -- The Koran Interpreted, Touchstone Books, 1996. ISBN 0-684-82507-4
Koméntar Lawas
[édit | édit sumber]- al-Tabari, Muhammad ibn Jarir -- Jami al-bayan `an ta'wil al-Qur'an, Cairo 1955-69, transl. J. Cooper (ed.), The Commentary on the Qur'an, Oxford University Press, 1987. ISBN 0-19-920142-0
Pustaka Lawas
[édit | édit sumber]- Nöldeke, Theodor -- Geschichte des Qorâns, Göttingen, 1860.
Pustaka Modéren
[édit | édit sumber]- Al-Azami, M. M. -- The History of the Qur'anic Text from Revelation to Compilation, UK Islamic Academy: Leicester 2003.
- Bellamy, James A. -- "Some Proposed Emendations to the Text of the Koran", Journal of the American Oriental Society, Vol. 113, 1993
- Bellamy, James A. -- "More Proposed Emendations to the Text of the Koran", Journal of the American Oriental Society, Vol. 116, 1996
- Bellamy, James A. -- "Textual Criticism of the Koran", Journal of the American Oriental Society, Vol. 121, 2001
- Crone, Patricia, and Michael Cook -- Hagarism, Cambridge University Press, 1977
- Gatje, Helmut, and Alford T. Welch -- The Qur'an and Its Exegesis, Oneworld Publications; New Ed edition (November 1, 1996). ISBN 1-85168-118-3
- Ibn Warraq (ed.), The Origins of the Koran, Prometheus Books, 1998. ISBN 1-57392-198-X
- Kassis, Hanna E. -- A Concordance of the Qur'an, University of California Press (March 1, 1984), ISBN 0-520-04327-8
- Luxenberg, Christoph (2004) -- Die Syro-Aramäische Lesart des Koran: Ein Beitrag zur Entschlüsselung der Koransprache, Berlin, Verlag Hans Schiler, 2005, ISBN 3-89930-028-9
- McAuliffe, Jane Damen -- Quranic Christians : An Analysis of Classical and modérn Exegesis, Cambridge University Press, 1991. ISBN 0-521-36470-1
- McAuliffe, Jane Damen (ed.) -- Encyclopaedia of the Qur'an, Brill, 2002-2004.
- Puin, Gerd R. -- "Observations on Early Qur'an Manuscripts in Sana'a," in The Qur'an as Text, ed. Stefan Wild, , E.J. Brill 1996, pp. 107–111 (as reprinted in What the Koran Really Says, ed. Ibn Warraq, Prometheus Books, 2002)
- Rahman, Fazlur -- Major Themes in the Qur'an, Bibliotheca Islamica, 1989. ISBN 0-88297-046-1
- Robinson, Neal, Discovering the Qur'an, Géorgetown University Press, 2002. ISBN 1-58901-024-8
- Sells, Michael, -- Approaching the Qur'an: The Early Revelations, White Cloud Press, Book & CD edition (November 15, 1999). ISBN 1-883991-26-9
- Stowasser, Barbara Freyer -- Women in the Qur'an, Traditions, and Interpretation, Oxford University Press; Reprint edition (June 1, 1996), ISBN 0-19-511148-6
- Wansbrough, John -- Quranic Studies, Oxford University Press, 1977
- Watt, W. M., and R. Bell, Introduction to the Qur'an, Edinburgh University Press, 2001. ISBN 0-7486-0597-5
Tumbu kaluar
[édit | édit sumber]
- Quran Word by Word // QuranAcademy.org
- Al-Quran project Archived 2009-01-29 di Wayback Machine includes more than 145+ translation in more than 35 different languages.
- Listen to the Holy Quran, available to listen in Realplayer, Windows Media Player and available to download as a MP3 Archived 2004-10-21 di Wayback Machine
- The Qur'anic Studies
- What is the Koran?
- The Bible, the Qur'an and Science Archived 2004-12-04 di Wayback Machine
- The Skeptic's Annotated Qur'an Archived 2009-01-21 di Wayback Machine - a version of the Qur'an annotated from a skeptical point of view.
- Tafsir.com
| Surat sateuacanna: ' |
Surat | Surat saparantosna: ' |
| Al Qur'an | ||
|
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 | ||