Néon

Ti Wikipédia, énsiklopédia bébas
Luncat ka: pituduh, paluruh
Gas néon dina jero tabung debit, nu disebut lampu néon.

Néon nyaéta unsur kimia dina tabél périodik anu miboga simbul Ne jeung nomor atom 10.[1] Néon mangrupa gas mulya kadua anu nyangkaruk di kolom 18 tina tabél périodik.[2] Néon téh unsur kalima anu pang-ngaleuyana di alam samesta.[2] Atom Néon miboga 10 éléktron jeung 10 proton sedengkeun kulit pangluarna miboga 8 éléktron.[2] Ngaran néon asalna tina basa Yunani nyaéta ne nu hartina anyar.[2] Néon mimiti kapanggihanna ku ahli kimia asal Inggris Sir William Ramsay jeung Travers Morris W. dina taun 1898.[2] Nalika maranéhanana manaskeun hawa cair sarta néwak gas anu kaluar tina pamanas hawa cair éta, tuluy kapanggih tilu élemen anyar nyaéta kripton, néon, jeung xenon.[2]

Karakteristik[édit | édit sumber]

Dina kondisi standar élemen néon nyaéta gas anu euweuh bauan sarta teu warnaan.[2] Ieu mangrupa gas inert, nu hartina yén néon téh moal bakal ngagabung jeung unsur-unsur atawa zat séjén pikeun ngawangun sanyawa. Néon miboga rentang cair pangheuretuna tina unggal élemén.[2] Ngan mangrupa cairan antara 24,55 K nepi ka 27,05 K.[2] Néon mangrupa gas mulia panghampangna kadua sanggeus hélium.[2] Nalika néon aya na jero tabung, cahyana warna orén kabeureuman.[2]

Rujukan[édit | édit sumber]

  1. "Tabel Periodik (Indonesian Periodic Table)". PTable. Diakses tanggal 3/7/2016. 
  2. a b c d e f g h i j k "Pengertian, Ciri, dan Sifat Neon". Budisma. Diakses tanggal 3/7/2016. 
Nulis.jpg